ក្រុមអ្នកគាំទ្រផ្កាប់មុខនឹងវិមានក្រឹមឡាំងរុស្ស៊ី បានចោទប្រកាន់លោកស៊ីជីនពីងមេដឹកនាំចិនថាកំពុងចង់ក្បត់នឹងពូទីនហើយ ខណៈបានសំដែងអាកប្បកិរិយាជិតស្និទ្ធជាមួយមេដឹកនាំអ៊ុយក្រែន។
អ្នកវិភាគសង្គ្រាមរបស់រុស្ស៊ី លោក Sergei Mardan ក៏ដូចជាប្រជាជនដែលគាំទ្រខ្លាំងនឹងរដ្ឋាភិបាលរុស្ស៊ីបាននិយាយនៅលើគេហទំព័រ SolovyevLive ថា ដំណើរទស្សនកិច្ចរបស់លោក Xi មកកាន់ទីក្រុងមូស្គូកាលពីខែមុនបានធ្វើឱ្យខូចដល់វិមានក្រឹមឡាំង។ “តើយើងគួរគិតយ៉ាងណា?’ តើ’យើងជាមិត្តឬជាស្អី?!” Mardan បាននិយាយនៅក្នុងកម្មវិធីរបស់គាត់ថា ‘យើងមានភាពរីករាយ និងទំនុកចិត្តនៅពេលដែល Xi Jinping មើលឃើញ Zelensky ត្រឹមជាអាយ៉ងប៉ុណ្ណោះ”។
វាបានកើតឡើង បន្ទាប់ពីកាលពីសប្តាហ៍មុន លោក Xi បានទូរសព្ទជំនួបជាមួយលោក Zelensky ជាលើកដំបូងចាប់តាំងពីការលុកលុយរបស់រុស្ស៊ីសម្រាប់ការហៅទូរសព្ទរយៈពេលមួយម៉ោងដែលប្រធានាធិបតីអ៊ុយក្រែនបានពណ៌នាថាជាការជួបជជែករយៈពេល ‘វែង និងមានន័យ’ ។ Zelensky ក៏បានតែងតាំងឯកអគ្គរដ្ឋទូតប្រចាំទីក្រុងប៉េកាំង ហើយប្រទេសចិននឹងបញ្ជូនបេសកជនទទួលបន្ទុកកិច្ចការអឺរ៉ុបទៅកាន់ទីក្រុងគៀវដែរ។ ចាប់តាំងពីពេលនោះមក វាក៏បានធ្វើឲ្យអ្នកទស្សនានិងឃ្លាំមើលនៅក្នុងប្រទេសរុស្ស៊ីមានការញាប់ញ័រជាពន់ពេក និងមិនសប្បាយចិត្តទាល់តែសោះជាមួយចិន៕
ប្រភព៖ UKRAINSKA PRAVDA
ប្រភពរូប៖UKRAINSKA PRAVDA
ប្រែសម្រួល៖សុខ តុលា
