ដោយ៖ សហការី
នៅប្រទេសប៉ាគីស្ថានមានទារកម្នាក់បានកើតមកមានលិង្គពីរតែមិនមានរន្ធគូទនោះទេ ដែលនេះគឺជាបាតុភូតវេជ្ជសាស្ត្រដ៏កម្រមួយនៅលើពិភពលោក។
លោក វេជ្ជបណ្ឌិតដែលបានផ្សព្វផ្សាយអំពីករណីដ៏កម្រនេះ ត្រូវបានគេស្គាល់ថា diphalliaបានចុះផ្សាយក្នុងទស្សនាវដ្តីវេជ្ជសាស្ត្របានឲ្យដឹងថា លិង្គរបស់ក្មេងប្រុសប៉ាគីស្ថានមាន “ស្ថានភាពធម្មតា” តែលិង្គម្ខាងមានទំហំធំជាង ១ សង់ទីម៉ែត្រ។ គ្រូពេទ្យជំនាញវះកាត់នៅទីក្រុង Islamabad បានឲ្យដឹងដែរថា ក្មេងប្រុសនេះអាចនោម “តាមលិង្គទាំងពីរ” ផងដែរ។
ក្រុមគ្រូពេទ្យជំនាញបានបង្កើតរន្ធផ្នែកខាងក្រោមពោះ ដើម្បីអោយក្មេងនោះអាចបន្ទោរបង់បាន។ គ្រូពេទ្យដែលព្យាបាលក្មេងប្រុសនេះបាននិយាយទៀតថា មាន ១ភាគរយនៃអ្នកជំងឺក៏មានពិការភាពដោយសារផលប៉ះពាល់ដល់រន្ធគូទរបស់ពួកគេ។ ប៉ុន្តែពួកគេមិនបានបញ្ជាក់ថា កុមារនេះជាករណីពិការភាពដំបូងគេនៅក្នុងពិភពលោក ឬក៏យ៉ាងណានោះទេ។ ក្មេងប្រុសនេះបន្ទាប់ពីកើតបាន ៣៦សប្តាហ៍ ត្រូវបានគេយកទៅព្យាបាលនៅមន្ទីរពេទ្យកុមារ នៃវិទ្យាស្ថានវិទ្យាសាស្ត្រវេជ្ជសាស្ត្ររបស់ប្រទេសប៉ាគីស្ថាន។
ឪពុកម្តាយរបស់ក្មេងបាននាំក្មេងនេះទៅផ្នែកសង្គ្រោះបន្ទាន់ របស់មន្ទីរពេទ្យភ្លាមៗបន្ទាប់ពីក្មេងនេះកើតមក។ គ្រូពេទ្យដែលពិនិត្យក្មេងរកឃើញថា ក្មេងមិនមានរន្ធគូទ និងលិង្គភ្លោះ phalluses កើតមកបានយ៉ាងល្អ ដែលម្ខាងមានប្រវែង ១.៥cm និងម្ខាងទៀតមានប្រវែង ២.៥cm។ ការស្កែនបានបង្ហាញថាក្មេងមានប្លោកនោមតែមួយជាប់នឹងបង្ហួរនោមពីរ ដែលមានន័យថា ទឹកនោមបានឆ្លងកាត់លិង្គទាំងពីរ។
គ្រូពេទ្យបានវះកាត់បង្វែរចុងពោះវៀនធំរបស់គាត់ តាមរន្ធផ្នែកខាងក្រោមពោះខាងឆ្វេង ដើម្បីឲ្យគាត់អាចបន្ទោរបង់បាន។ ក្មេងប្រុសនេះត្រូវបានពេទ្យធ្វើការតាមដាន រយៈពេលពីរថ្ងៃ- បន្ទាប់ពីការវះកាត់ ក្រោយមកគាត់ត្រូវបានរំសាយចេញពីពេទ្យ ហើយមានការណាត់ជួបដើម្បីតាមដានបន្ត៕
