ភ្នំពេញ៖ បុរស២នាក់បានជិះម៉ូតូឌុបគ្នាយ៉ាងលឿនទៅបុករថយន្តកុងតឺន័រកំពុងចតចិញ្ចើមផ្លូវពីក្រោយពេញទំហឹង បណ្តាលឱ្យដួលស្លាប់ម្នាក់និងម្នាក់ទៀតរងរបួសធ្ងន់។គ្រោះថ្នាក់ចរាចរនេះបានកើតឡើងនៅជិតទីបញ្ជាការដ្ឋានកងរាជអាវុធហត្ថរាជធានីភ្នំពេញ តាមមហាវិធីចោមចៅ ក្នុងសង្កាត់មានជ័យទី៣ ខណ្ឌមានជ័យ កាលពីថ្ងៃទី២៨ ខែមេសា។
![](https://cambodiaflashnews.com/wp-content/uploads/2021/06/top-banner.gif)
អ្នកឃើញហេតុការណ៍បានឱ្យដឹងថា ដំបូងរថយន្ដកុងតឺន័រ២គ្រឿងបានឈប់ចតទន្ទឹមគ្នានៅចិញ្ចើមផ្លូវ។
ពេលនោះមានបុរស២នាក់បើកម៉ូតូស្កុបពីផ្លាកលេខភ្នំពេញ1JQ 5426 ឌុបគ្នាក្នុងល្បឿនលឿនក៏បុករថយន្ដកុងតឺន័រនោះពេញទំហឹង បណ្ដាលឱ្យដួលស្លាប់ម្នាក់និងម្នាក់ទៀតរងរបួសធ្ងន់ត្រូវបានបញ្ជូនទៅមន្ទីរពេទ្យសង្រ្គោះបន្ទាន់។ចំណែករថយន្ដកុងតឺន័រ២គ្រឿងដែលឈប់នោះ ក៏បើករត់គេចបាត់។ក្រោយមកសមត្ថកិច្ចបានចុះវាស់វែងនិងយកម៉ូតូទៅទុកនៅនគរបាលចរាចរណ៍រាជធានីភ្នំពេញរង់ចាំស្រាវជ្រាវរករថយន្តបង្កមកដោះស្រាយពេលក្រោយ៕ដោយ៖វិចិត្រ