មនុស្សយ៉ាងហោចណាស់៩នាក់បានស្លាប់ និងរបួស៥នាក់ នៅក្នុងការវាយប្រហារថ្មីរបស់រុស្ស៊ីមកលើទូទាំងប្រទេសអ៊ុយក្រែន រួមទាំងរដ្ឋធានីគៀវនៅថ្ងៃសុក្រសប្តាហ៍នេះ។
![](https://cambodiaflashnews.com/wp-content/uploads/2021/06/top-banner.gif)
យោងតាមទីភ្នាក់ងារសារព័ត៌មាន Interfax Ukraine និងបណ្តាញប្រព័ន្ធផ្សព្វផ្សាយសង្គមបានឱ្យដឹងថា ការបំផ្ទុះគ្រាប់បែកត្រូវបានគេឮនៅក្នុងទីក្រុងអ៊ុយក្រែនជាច្រើន រួមមាន Kremenchuk និង Poltava នៅកណ្តាលអ៊ុយក្រែន ក៏ដូចជា Mykolaiv នៅភាគខាងត្បូង ទីក្រុង Dnipro និងរដ្ឋធានីគៀវផងដែរ។ វីដេអូដែលបានចែករំលែកនៅលើប្រព័ន្ធផ្សព្វផ្សាយសង្គម បានបង្ហាញពីប្លុកផ្ទះល្វែងមួយក្នុងទីក្រុង Uman ជាទីក្រុងដែលមានមនុស្សចំនួន៨០០០០នាក់នៅតំបន់ Cherkasy ភាគកណ្តាលនៃប្រទេសអ៊ុយក្រែន ពោរពេញដោយអណ្តាតភ្លើងឆាបឆេះ និងផ្សែង។ ខ្សែវីដេអូបានបង្ហាញពីជ្រុងមួយនៃអគារបានបាក់ស្រុតដោយគំនរកម្ទេចថ្មនៅលើដី។ អភិបាលខេត្ត Cherkasy លោក Ihor Taburets បាននិយាយថា សេវាសង្គ្រោះបន្ទាន់គឺនៅកន្លែងកើតហេតុ ហើយមនុស្ស ៥ នាក់ត្រូវបានបញ្ជូនទៅមន្ទីរពេទ្យ។ អ្នកស្លាប់មាន៩នាក់ ភាគច្រើនមកពីទីក្រុង Uman និង Dnipro។
ក្រុមមន្ត្រីទីក្រុងបាននិយាយថា ប្រព័ន្ធការពារដែនអាកាសបានបំផ្លាញកាំជ្រួចផ្លោងរុស្ស៊ីយ៉ាងហោចណាស់ ២១ដើម និងយន្តហោះគ្មានមនុស្សបើកចំនួន ២ គ្រឿង៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា