អង្គការណាតូ សរុបទិន្នន័យបរិក្ខារប្រយុទ្ធដែលបានបញ្ជូនដល់អ៊ុយក្រែនត្រៀមវាយ ផ្តាច់រុស្ស៊ី ក្នុងនោះរួមមានរថពាសដែកជាង១៥០០គ្រឿង រថក្រោះជាង២០០គ្រឿង។
![](https://cambodiaflashnews.com/wp-content/uploads/2021/06/top-banner.gif)
មេដឹកនាំអង្គការណាតូ លោក Jens Stoltenberg បាននិយាយថា សមាជិកអង្គការណាតូ និងដៃគូរបស់ខ្លួន បានផ្តល់ឱ្យអ៊ុយក្រែននូវរថពាសដែកចំនួន ១៥៥០ គ្រឿង និងរថក្រោះចំនួន ២៣០ គ្រឿង។ “សរុបមក យើងបានហ្វឹកហាត់ និងបំពាក់កងពលតូចរថពាសដែកថ្មីចំនួន ៩ របស់អ៊ុយក្រែន។ នេះនឹងធ្វើឲ្យអ៊ុយក្រែនស្ថិតក្នុងជំហររឹងមាំដើម្បីបន្តរំដោះយកទឹកដីដែលបានកាន់កាប់ឡើងវិញ”។
ប្រទេសសមាជិកណាតូក៏បានផ្តល់ប្រព័ន្ធប្រឆាំងយន្តហោះ និងកាំភ្លើងធំផងដែរ ហើយប៉ូឡូញ និងសាធារណរដ្ឋឆេកបានផ្តល់យន្តហោះ MiG-29 ដែលផលិតដោយសហភាពសូវៀតដល់អ៊ុយក្រែន។ យ៉ាងណាក៏ដោយ លោក Stoltenberg បានព្រមានថា “យើងមិនគួរមើលស្រាលរុស្ស៊ីឡើយ” ហើយបាននិយាយថា កិច្ចប្រជុំកំពូលរបស់អង្គការណាតូនៅក្នុងប្រទេសលីទុយអានី នឹងរៀបចំផែនការសម្រាប់ “កម្មវិធីជំនួយច្រើនឆ្នាំ” សម្រាប់អ៊ុយក្រែនបន្ថែមទៀត៕
ប្រភព៖ ALJAZEERA
ប្រភពរូប៖ ALJAZEERA
ប្រែសម្រួល៖សុខ តុលា