ដោយ៖ សហការី
![](https://cambodiaflashnews.com/wp-content/uploads/2021/06/top-banner.gif)
កូនភ្លោះស្រីដែលកើតមកមានរាងកាយជាប់គ្នា ត្រគាកតែមួយជើងតែពីរ នៅពេលពេញវ័យពួកគេមានមិត្តប្រុសដ៏ស្រស់សង្ហា កំពុងផ្ទុះការចាប់អារម្មណ៍យ៉ាងខ្លាំង។
កូនភ្លោះជាប់គ្នាឈ្មោះថា Lupita និង Carmen Andrade មានអាយុ ២២ឆ្នាំ ក្នុងឆ្នាំ២០២៣នេះ បានលាតត្រដាងអំពីអ្វីដែលគេចូលចិត្តក្នុងការរស់នៅជាមួយគ្នា និងគំនិតខុសៗគ្នាអំពីការស្វែងរកគូស្នេហ៍ និងរឿងរ៉ាវក្នុងជីវិតផ្សេងៗទៀត។ កូនភ្លោះជនជាតិម៉ិកស៊ិកដែលបានធំឡើងនៅក្នុងរដ្ឋ Connecticut មានឆ្អឹងត្រគាកជាប់គ្នា មានប្រព័ន្ធបន្តពូជ ថ្លើម ចរន្តឈាមតែមួយ និងមានជើងរួមគ្នា។ ពួកគេបានប្រាប់ Today.com ថា ពួកគេមានមិត្តប្រុសដ៏ស្រស់សង្ហា។Carmen ធ្លាប់ប្រាប់គេឯងថា “ជីវិតខ្ញុំទាំងពីរនាក់មិនមែនកើតមកល្អគ្រប់រឿងនោះទេ ពួកយើងមានបញ្ហាប្រឈមជាច្រើន ប៉ុន្តែយើងមានជីវិតដ៏ល្អប្រសើរមួយ” ។ “យើងទៅមើលកុន និងទស្សនាការប្រគំតន្ត្រី ហើយយើងធ្វើដំណើរតាមយន្តហោះដោយប្រើកៅអីរួមតែមួយ”។ លើសពីនេះពួកគេបានពន្យល់ថា ពួកគេមិនដែលគិតថានឹងធ្វើការវះកាត់បំបែកដងខ្លួនចេញពីគ្នានោះទេ ព្រោះវាអាចបណ្តាលឲ្យស្លាប់ម្នាក់ ឬក៏ស្លាប់ទាំងពីរនាក់តែម្តង។
ចំពោះរឿងទាក់ទងនឹងស្នេហា ពួកគេមានទស្សនៈខុសគ្នាបន្តិច គឺ Carmen មានមិត្តប្រុសម្នាក់ឈ្មោះ Daniel ចំណែក Lupita មានគូស្នេហ៍ភេទដូចគ្នា។ នាងបានប្រាប់អ្នកសារព័ត៌មានថា “ខ្ញុំមិនដែលលាក់បាំងការពិតទេ គឺខ្ញុំជាកូនភ្លោះជាប់គ្នា ប៉ុន្តែខ្ញុំនៅតែទទួលបានសារជាច្រើនពីបុរសៗស្រស់សង្ហា”។ Carmen បានជួបមិត្តប្រុសរបស់នាងនៅក្នុងកម្មវិធីណាត់ជួប Hinge កាលពីខែតុលា ឆ្នាំ ២០២០ ហើយនាងបាននិយាយថា ដើម្បីជាការចាប់ផ្តើមការសន្ទនា នាងបានដាក់ខ្លួនដាច់ដោយឡែក តែបុរសនោះមិនសួរនាំនាងអំពីបញ្ហាកូនភ្លោះជាប់គ្នាទាល់តែសោះ។
ស្រ្តីកូនភ្លោះបានបញ្ជាក់ថា “ដានីយ៉ែល និងខ្ញុំចង់បានកូន ប៉ុន្តែខ្ញុំមិនអាចមានផ្ទៃពោះបានទេ ដោយយើងមានជំងឺ endometriosis ហើយយើងក៏កំពុងស្ថិតក្នុងដំណាក់កាលប្រើប្រាស់ថ្នាំ ទប់ស្កាត់អ័រម៉ូនដែលការពារយើងពីការមានរដូវផងដែរ៕