ដោយ៖ សហការី
![](https://cambodiaflashnews.com/wp-content/uploads/2021/06/top-banner.gif)
អ្នកឯកទេសអាហារូបត្ថម្ភនៅសាកលវិទ្យាល័យ Harvard បានចែករំលែកវិធីប្រើប្រាស់វីតាមីនដែលមានសាធាតុបំប៉នខ្ពស់ ជួយឲ្យខួរក្បាលនៅក្មេង និងមានសុខភាពល្អ។
ក្រុមអ្នកស្រាវជ្រាវខាងអាហារូបត្ថម្ភបានឲ្យដឹងថា ប្រសិនបើមនុស្សមានវីតាមីនគ្រប់គ្រាន់នៅក្នុងខ្លួន វានឹងធ្វើឲ្យសុខភាព និងខួរក្បាលមានភាពរឹងមាំ។ តែប្រសិនបើយើងខ្វះអាហារូបត្ថម្ភ ឬខ្វះវីតាមីនវិញ នោះនឹងធ្វើឲ្យយើងមានសុខភាពចុះខ្សោយ និងខួរក្បាលបាត់បង់ភាពវៃឆ្លាតជាក់ជាមិនខានឡើយ។ ពួកគេបាននិយាយទៀតថា ប្រភេទអាហារបំប៉នដែលខ្ញុំផ្តល់អាទិភាពបំផុតដើម្បីរក្សាខួរក្បាលរបស់ខ្ញុំឲ្យនៅក្មេង និងមានសុខភាពល្អ គឺអាហារដែលមានវីតាមីន B ។
តាមការសិក្សារបស់សាលាវេជ្ជសាស្ត្រ Wayne State University បានរកឃើញថា ជំងឺបាក់ទឹកចិត្ត, ជំងឺវង្វេងស្មារតី និងបញ្ហាច្របូកច្របល់ផ្លូវចិត្ត មានការពាក់ព័ន្ធនឹងកង្វះវីតាមីន B ដូចគ្នាដែរ។ លោក រ៉ាចាប្រាហាការាន់ រ៉ាចារីធីណា (Rajaprabhakaran Rajarethinam) គ្រូពេទ្យផ្នែកវិកលចរិត និងជាអ្នកដឹកនាំការស្រាវជ្រាវបានថ្លែងឲ្យដឹងថា “កង្វះវីតាមីន B12 ក៏ជាមូលហេតុនៃបញ្ហាថយចុះការយល់ដឹង វាមិនមែនជារឿងធម្មតាដូចដែលយើងបានគិតនោះទេ ជាពិសេសនៅក្នុងចំណោមមនុស្សចាស់ដែលរស់នៅតែម្នាក់ឯង ហើយមិនបានទទួលទានអាហារឲ្យបានត្រឹមត្រូវ”។
លោកបញ្ជាក់ឲ្យដឹងថា វីតាមីន B បានផ្តល់ផលប្រយោជន៍សំខាន់ៗធំៗដូចជា៖ បង្កើនថាមពល, បែងចែកមុខងារថ្នាំ, កាត់បន្ថយការរលាក, ជំរុញដល់សុខភាពខួរក្បាលទាំងមូល, ប្រយុទ្ធប្រឆាំងនឹងជំងឺ, ជួយកោសិកាឲ្យមានចលនាទំនាក់ទំនងកាន់តែប្រសើរឡើង, ជំរុញឲ្យមានលំនឹង និងជំនួយបេះដូង។
ជាងនេះទៅទៀតនោះ វីតាមីន B12 ឬ cobalamin គឺជាវីតាមីនដ៏សំខាន់សម្រាប់បង្កើតកោសិកាឈាមក្រហម និង DNA និងជួយជំរុញការអភិវឌ្ឍមុខងាររបស់ប្រព័ន្ធសរសៃប្រសាទ។
B12 ក៏ជួយទ្រទ្រង់ដល់ការបំបែក homocysteine ផងដែរ វាក៏ជាប្រូតេអ៊ីនម្យ៉ាងអាចជះឥទ្ធិពលអវិជ្ជមានដល់សុខភាពសរសៃឈាមបេះដូង និងនាំឲ្យកើតជំងឺវង្វេងនៅពេលដែលយើងប្រើវាលើសកម្រិត៕