ភ្នំពេញ៖បុរសចិនម្នាក់បានបើករថយន្តម៉ាកToyota Prius យ៉ាងលឿនជ្រុលទៅបុករបាំងថ្ម ចែកផ្លូវជាតិលេខ៤ពេញទំហឹង បណ្ដាលឱ្យក្រឡាប់ផ្ងារកង់រងការខូចខាតយ៉ាងដំណំ។
![](https://cambodiaflashnews.com/wp-content/uploads/2021/06/top-banner.gif)
គ្រោះថ្នាក់ចរាចរនេះបានកើតឡើងនៅតាមផ្លូវជាតិលេខ៤ ម្តុំស្ពានអាកាសផ្លូវល្បឿនលឿន ស្ថិតក្នុងសង្កាត់ចោមចៅទី៣ ខណ្ឌពោធិ៍សែនជ័យ កាលពីរំលងអធ្រាត្រឈានចូលថ្ងៃទី២៦ ខែមេសា។
អ្នកឃើញហេតុការណ៍បានឱ្យដឹងថា ដំបូងរថយន្តម៉ាក Toyota Prius ផ្លាកលេខភ្នំពេញ2AW-2813 បើកតាមផ្លូវជាតិលេខ៤ពីលិចទៅកើតក្នុងល្បឿនលឿន។
មកដល់កន្លែងខាងលើអ្នកបើកបរទំនងខ្វះការប្រុងប្រយ័ត្នបានបុករបាំងថ្មចែកផ្លូវពេញទំហឹង បណ្ដាលឱ្យបាក់របាំងថ្ម២កង់ រីឯរថយន្តបានក្រឡាប់ផ្ងារកង់ម្ខាងរងការខូចខាតយ៉ាងដំណំ។
បន្ទាប់ពីរថយន្តក្រឡាប់ តៃកុងជាជនជាតិចិនបានបើកទ្វារលូនចេញពីក្នុងរថយន្តរងរបួសបន្តិចបន្តូចហើយក៏ដើរចេញគេចខ្លួនបាត់។ក្រោយមកសមត្ថកិច្ចជំនាញបានមកយករថយន្តបង្កទៅទុករង់ចាំដោះស្រាយពេលក្រោយ៕ដោយ៖វិចិត្រ