មណ្ឌលគិរី៖សមត្ថកិច្ចកំពុងតាមចាប់ខ្មាន់កាំភ្លើងដែលប្រើអាវុធខ្លីបាញ់ប្រហារលើស្ត្រីម្នាក់ចំដើមទ្រូងខាងស្តាំបណ្តាលឱ្យរងរបួសធ្ងន់។
![](https://cambodiaflashnews.com/wp-content/uploads/2021/06/top-banner.gif)
សមត្ថកិច្ចបានឱ្យដឹងថា ជនមិនស្គាល់មុខបានប្រើកាំភ្លើងខ្លីលួចបាញ់ស្ត្រីជាអ្នកធ្វើសាឡនម្នាក់បណ្តាលឱ្យចំដើមទ្រូងខាងស្តាំរងរបួសធ្ងន់ ហើយខ្មាន់កាំភ្លើងបានរត់គេចខ្លួនបាត់ ។ហេតុការណ៍នោះបានកើតឡើងនៅម្តុំចម្ការស្រល់ ស្ថិតក្នុងភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី កាលពីយប់ទី២៤ មេសា។
ស្ត្រីរងគ្រោះឈ្មោះ ចន សុវណ្ណណេត ហៅហ្សា អាយុ២៥ឆ្នាំ មុខរបរអ៊ុតសក់ នៅភូមិដើមស្រល់ សង្កាត់មនោរម្យ ក្រុងស្ទឹងសែន ខេត្តមណ្ឌលគិរី។ក្រោយពីមានអំពើបាញ់ប្រហារកម្លាំងនគរបាលក្រុងសែនមនោរម្យជាមួយនគរបាលខេត្ត បានចុះស្រាវជ្រាវជាបន្ទាន់។
ជនរងគ្រោះត្រូវខ្មាន់កាំភ្លើងបាញ់១គ្រាប់ដោយអាវុធខ្លីចំដើមទ្រូងខាងស្ដាំ ក្បាលគ្រាប់បៀមនៅក្រោមស្លាបប្រចៀវ និងបញ្ឆិតដើមដៃ ត្រូវក្រុមគ្រួសារដឹកទៅមន្ទីរពេទ្យខេត្តមណ្ឌលគិរីសង្គ្រោះបន្ទាន់។
ជុំវិញករណីខាងលើនេះសមត្ថកិច្ចមិនទាន់មានតម្រុយនៅឡើយ ព្រោះស្ត្រីរងរបួសធ្ងន់គ្រូពេទ្យកំពុងជួយសង្គ្រោះ។ប៉ុន្តែផ្នែកជំនាញកំពុងបន្តការស្រាវជ្រាវ តាមរកចាប់ខ្លួនជនសង្ស័យយកមកចាត់ការតាមច្បាប់៕ដោយ៖វិចិត្រ