ដោយ៖ សហការី
សត្វខ្លាឃ្មុំផេនដាយក្សញីមួយក្បាលឈ្មោះ YaYa ដែលជាខ្លាឃ្មុំតំណាងមិត្តភាពចិន-អាម៉េរិក បានត្រឡប់មកប្រទេសចិនវិញក្រោយបញ្ចប់បេសកម្មនៅអាម៉េរិក ២ទសវត្សរ៍។
យោងតាមរដ្ឋបាលព្រៃឈើ និងវាលស្មៅជាតិអាម៉េរិក ការរៀបចំនេះគឺធ្វើឡើងនឹងដឹងឮដោយភាគីចិននិងអាមេរិក ខណៈដែលខ្លាឃ្មុំញីមួយក្បាលនេះនឹងត្រូវឡើងយន្តហោះ ត្រឡប់ទៅប្រទេសចិនវិញនៅក្រុងសៀងហៃ។ ខាងសួនសត្វ Memphis បានប្រកាសកាលពីខែធ្នូ ឆ្នាំ ២០២២ ថា ខ្លួននឹងប្រគល់ Ya Ya ទៅកាន់ប្រទេសចិនវិញ ដោយបញ្ចប់រយៈពេល ២០ឆ្នាំ នៃការស្រាវជ្រាវសហប្រតិបត្តិការទាន់ពេលវេលាទៅឲ្យចិន។
កិច្ចព្រមព្រៀងដំបូងសម្រាប់ការស្នាក់នៅរបស់ Ya Ya នៅសហរដ្ឋអាម៉េរិកគឺមានរយៈពេលត្រឹមតែ១០ឆ្នាំប៉ុណ្ណោះ តែក្រោយមកវាក៏ត្រូវបានពន្យារពេលរយៈពេលមួយទសវត្សរ៍ទៀតក្នុងឆ្នាំ ២០១៣។ កាលពីខែកុម្ភៈ ក្រុមអ្នកជំនាញចិនបានមកដល់សួនសត្វ Memphis ដើម្បីពិនិត្យសុខភាពរបស់ Ya Ya។ តាមការវាយតម្លៃរបស់ពួកគេ Ya Ya ត្រូវបានគេរកឃើញនូវជំងឺសើស្បែកបណ្តាលឲ្យជ្រុះរោម តែវានៅតែមានចំណង់អាហារល្អ បញ្ចេញលាមកធម្មតា និងទម្ងន់ថេរជាធម្មតា។ Ya Ya កើតនៅសួនសត្វប៉េកាំងនៅថ្ងៃទី ៣ ខែសីហា ឆ្នាំ ២០០០។ វាបានមកដល់សួនសត្វ Memphis អាម៉េរិក ក្នុងខែមេសា ឆ្នាំ ២០០៣ រួមជាមួយខ្លាឃ្មុំផេនដាយក្ស Le Le ជាបេសកជននៃមិត្តភាពចិន-អាម៉េរិក ហើយត្រូវបានស្វាគមន៍យ៉ាងកក់ក្តៅជាទីបំផុត៕
