ប្រធានាធិបតីអ៊ុយក្រែនលោកហ្សេឡិនស្គី នៅថ្ងៃពុធសប្តាហ៍នេះ បានចុះទៅមើលស្ថានភាពតំបន់ព្រំដែនជាប់បេឡារុស និងប៉ូឡូញ ចំពេលដែលមានការព្រួយបារម្ភខ្លាចរុស្ស៊ីខ្ចីដីបេឡារុសបើកការវាយប្រហារថ្មី។
![](https://cambodiaflashnews.com/wp-content/uploads/2021/06/top-banner.gif)
ប្រធានាធិបតីអ៊ុយក្រែន លោក Volodymyr Zelenskyy កាលពីថ្ងៃពុធទី ១៩ ខែមេសា ឆ្នាំ២០២៣ បានចុះទៅទស្សនកិច្ចតំបន់ព្រំដែន Volyn ជាខ្សែទល់ដែនជាប់ជាមួយប្រទេសបេឡារុសនិងប៉ូឡូញ។ Zelenskyy បានសរសេរនៅក្នុងសារ Telegram ដែលរួមបញ្ចូលវីដេអូរបស់គាត់ក្នុងឱកាសប្រគល់រង្វាន់ជូនឆ្មាំជាតិថា “វាជាកិត្តិយសសម្រាប់ខ្ញុំនៅទីនេះនៅថ្ងៃនេះដើម្បីអរគុណឆ្មាំព្រំដែនរបស់យើងសម្រាប់ការការពារព្រំដែនរដ្ឋបានយ៉ាងល្អ”។ Zelenskyy បាននិយាយថា អ៊ុយក្រែនត្រូវតែ “ត្រៀមខ្លួន” នៅព្រំដែនជាមួយប្រទេសបេឡារុសជានិច្ច ទោះបីជាឥឡូវនេះ មិនបានឃើញអ្វីខុសប្រក្រតីគួរឲ្យកត់សម្គាល់ក៏ដោយ។
ការភ័យខ្លាចនៃការវាយប្រហារចេញពីព្រំដែនបេឡារុស កើតឡើងបន្តបន្ទាប់គ្នាក្រោយពេលដែលរុស្ស៊ី និងបេឡារុសបានប្រកាសធ្វើសមយុទ្ធយោធារួមគ្នា និងពិសេសក្រោយពេលដែលរុស្ស៊ីបានប្រកាសដាក់អាវុធនុយក្លេអ៊ែរនៅលើទឹកដីបេឡារុស៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា