ជាមួយគ្នារុស្ស៊ីបើកការវាយប្រហារជាថ្មីដោយយន្តហោះគ្មានមនុស្សបើកអ៊ីរ៉ង់មកលើតំបន់កំពង់ផែសមុទ្រខ្មៅ Odesa ភាគខាងត្បូងអ៊ុយក្រែន ខណៈដែលអ៊ុយក្រែនអះអាងថាបានស្ទាក់ចាប់បាន១០គ្រឿង។
![](https://cambodiaflashnews.com/wp-content/uploads/2021/06/top-banner.gif)
អាជ្ញាធរក្នុងតំបន់បាននិយាយថា រុស្ស៊ីបានបើកការវាយប្រហារដោយយន្តហោះគ្មានមនុស្សបើកលើតំបន់ Odesa យ៉ាងពិតប្រាកដមែនកាលពីថ្ងៃពុធទី ១៩ ខែមេសាសប្តាហ៍នេះ ដោយបានវាយលុកចូលដល់ហេដ្ឋារចនាសម្ព័ន្ធស៊ីវិលដូចសព្វដង។ លោក Yuriy Kruk ប្រធានរដ្ឋបាលយោធាស្រុក Odesa បាននិយាយនៅលើ Telegram ថា “នៅពេលយប់ សត្រូវបានធ្វើការវាយប្រហារដោយ UAVs នៃប្រភេទ Shahed-136 នៅលើតំបន់ Odesa”។ ក៏ប៉ុន្តែជាសំណាង“តាមព័ត៌មានបឋមមិនមានអ្នករងរបួស និងស្លាប់ដែលត្រូវបានរាយការណ៍នោះទេ។
“វិធានការកំពុងត្រូវបានទប់ស្កាត់បកវិញ ហើយអង្គភាពនៃសេវាសង្គ្រោះបន្ទាន់របស់រដ្ឋ និងសំណង់ផ្សេងទៀតកំពុងធ្វើការនៅនឹងកន្លែង”។ ឧត្តមសេនីយ៍ Mykola Oleshchuk មេបញ្ជាការកងទ័ពអាកាសអ៊ុយក្រែនបានបន្ថែមទៀតថា ប្រព័ន្ធការពារដែនអាកាសបានស្ទាក់ចាប់ និងបំផ្លាញយន្តហោះគ្មានមនុស្សបើកទាំងនោះបានចំនួន១០គ្រឿង ខណៈទាំងអស់ដែលបានស្ថិតក្នុងសកម្មភាពវាយប្រហារមានចំនួន១២គ្រឿង។ ជុំវិញព័ត៌មាននេះ គេពុំបានទទួលការឆ្លើយតប ឬដំណឹងពាក់ព័ន្ធណាមួយពីរុស្ស៊ីនោះទេ៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា