កំពង់ស្ពឺ៖គ្រោះថ្នាក់ចរាចររវាងរថយន្តបុកជាមួយម៉ូតូ បណ្តាលឱ្យមនុស្ស៣នាក់បានស្លាប់នៅនឹងកន្លែងយ៉ាងអាណោចអាធ័ម។ ហេតុការណ៍ដ៏រន្ធត់នេះបានកើតឡើងនៅលើផ្លូវជាតិលេខ៤ ក្នុងភូមិចំបក់ ឃុំវល្លិស ស្រុកសំរោងទង ខេត្តកំពង់ស្ពឺ កាលពីវេលាទៀបភ្លឺថ្ងៃទី២០ ខែមេសា។
![](https://cambodiaflashnews.com/wp-content/uploads/2021/06/top-banner.gif)
មន្ត្រីមូលដ្ឋានបានឱ្យដឹងថា មុនកើតហេតុមានរថយន្ដម៉ាក FUSO ផ្លាកលេខភ្នំពេញ 3B-2238 សណ្ដោងរ៉ឺម៉កបើកពីកើតទៅលិច។មកដល់កន្លែងខាងលើ បានបុកជាមួយម៉ូតូម៉ាកហុងដាឌ្រីម ផ្លាកលេខកំពង់ស្ពឺ1R-1876 អ្នកបើកបរឈ្មោះ ប៉ុន ធឿន អាយុ២៥ឆ្នាំ នៅភូមិកញ្ចាំ ឃុំស៊ុង ស្រុកសំឡូត ខេត្តបាត់ដំបង ។អ្នករួមដំណើរឈ្មោះ ខឿន ខួច អាយុ១៨ឆ្នាំនិងឈ្មោះ កើត គា អាយុ១៨ឆ្នាំ។ទាំង២នាក់នៅភូមិក្របីព្រៃ ឃុំង័ន ស្រុកសណ្ដាន់ ខេត្តកំពង់ធំ។
ពេលជួបគ្រោះថ្នាក់ពួកគេបានស្លាប់ទាំង៣នាក់ភ្លាមៗតែម្តង។ចំណែកអ្នកបើកបររថយន្តមិនស្គាល់អត្តសញ្ញាណ ព្រោះក្រោយកើតហេតុបានរត់គេចខ្លួនបាត់។ក្រោយមកសមត្ថកិច្ចបានចុះពិនិត្យនិងប្រគល់សពឱ្យក្រុមគ្រួសារយកទៅធ្វើបុណ្យ ។ចំពោះមធ្យោបាយទាំង២គ្រឿង បានយកទៅទុកនៅប៉ុស្ដិ៍នគរបាលរដ្ឋបាលត្រពាំងគងដើម្បីបន្តនីតិវិធី៕ដោយ៖វិចិត្រ