រដ្ឋាភិបាលក្រុងគៀវ បានចេញរបាយការណ៍ថា គិតត្រឹមខែមេសា ឆ្នាំ២០២៣នេះ ទាហានអ៊ុយក្រែនប្រមាណ ៧០០០នាក់ត្រូវបានចាត់ទុកថាបានបាត់ខ្លួនយ៉ាងពិតប្រាកដ។
លោក Oleh Kotenko ជាស្នងការគ្រប់គ្រងមនុស្សដែលបានបាត់ខ្លួនក្នុងកាលៈទេសៈពិសេសសង្រ្គាម បានធ្វើការផ្សាយព័ត៌មានរួមជាតិកាលពីថ្ងៃអង្គារទី ១៨ ខែមេសាថា “ពិតជាមានចំនួនទាហានច្រើនជាង ៧០០០នាក់ដែលបានបាត់ខ្លួនមែន។” លោកថា អ្នកដែលបាត់ខ្លួនទាំងនេះ ភាគច្រើនត្រូវបានគេគិតថាមិនមែនពលីក្នុងសមរភូមិនោះទេ តែគឺបាត់ខ្លួនប្រហែលជាត្រូវរុស្ស៊ីចាប់ឃុំធ្វើជាឈ្លើយសឹក។ សម្រង់សម្ដីដោយកាសែតប្រាវដា “យើងរំពឹងថាមនុស្សទាំងនោះដែលយើងកំពុងស្វែងរក មិនមែនបាត់ខ្លួនដោយការស្លាប់ទៅចុះ សង្ឃឹមថាជាអ្នកទោសសង្គ្រាមដែលត្រូវរុស្ស៊ីចាប់”។
គេពុំបានទទួលការបកស្រាយពីរុស្ស៊ីភ្លាមៗឡើយ។ របាយការណ៍នេះកើតឡើងបន្ទាប់ពីការដោះដូរអ្នកទោសជាច្រើនរយនាក់ចុងក្រោយរវាងរុស្ស៊ី និងអ៊ុយក្រែន។ ប្រតិបត្តិការដោះដូរអ្នកទោសធ្វើឡើងមិនលស់ពេលទេ បើទោះជារុស្ស៊ីមិនបានបញ្ជាក់ពីតួលេខនៃទាហានអ៊ុយក្រែនដែលខ្លួនចាប់បានក៏ដោយ៕
ប្រភព៖ Ukrainska Pravda
ប្រភពរូប៖Ukrainska Pravda
ប្រែសម្រួល៖សុខ តុលា