ដោយ៖ សហការី
ប្តីប្រពន្ធជនជាតិអង់គ្លេសមួយគូនិយាយថា ពួកគេបានចំណាយប្រាក់ ១៩,០០០ដុល្លាររួចមកហើយ សម្រាប់ការធ្វើដំណើរទៅកាន់ទីកន្លែងដែលពួកគេអាចស្រាតបាន។
Fiona និង Michael Discombe បានចំណាយប្រាក់ក្នុងការធ្វើដំណើរទៅកាន់ទីកន្លែងដែលពួកគេអាចស្រាតបាន តាំងពីព្រឹកព្រលឹមរហូតដល់ពេលយប់ព្រះចន្ទរះ ហើយពួកគេនៅតែចង់ស្វែងរកទីកន្លែងផ្សេងៗបន្ថែមទៀតដែលអាចធ្វើដូចនេះបាន។ អ្នកទាំងពីរមានអាយុប្រហែលជាង ៥០ឆ្នាំ ដំបូងពួកគេបានស្រាតនៅពេលក្រេបទឹកឃ្មុំកាលពី ២០ឆ្នាំមុន ហើយគេបាននិយាយថា ពួកគេនៅតែចង់ស្រាតរហូតតាំងពីពេលនោះមក។
Fiona បានចែករំលែកថា “វាគឺជាលើកដំបូងសម្រាប់ជីវិតខ្ញុំ វាបានធ្វើឲ្យខ្ញុំមានអារម្មណ៍ថា ខ្ញុំមានសេរីភាព ហើយទីបំផុត ខ្ញុំអាចទទួលយករូបរាងរបស់ខ្ញុំបាន ដោយមិនខ្វល់ច្រើនអំពីអ្វីដែលអ្នកដទៃបានគិតមកលើខ្ញុំ” ។ “វាធ្វើឲ្យខ្ញុំមានអារម្មណ៍នៅលើស្បែករបស់ខ្ញុំគឺទទេស្អាត ហើយវាបានធ្វើឲ្យខ្ញុំចេះតែចង់ស្រាតគ្រប់ពេល”។
Fiona និង Michael តែងតែមានអារម្មណ៍ថា ចង់បញ្ចេញសាច់របស់ពួកគេដោយសេរី។
គូស្វាមីភរិយាជនជាតិអង់គ្លេសទាំងពីរនាក់និយាយថា ពួកគេតស៊ូនឹងការប្រឈមជាមួយនឹងកត្តាអសន្តិសុខលើរូបរាងកាយតាំងពីនៅវ័យក្មេង។ Fiona ចាំបានថានាងត្រូវបានគេលេងសើចកាលពីនាងនៅក្មេង បន្ទាប់ពីឈានដល់អាយុ ១០ឆ្នាំ។ ដើម្បីជៀសវាងពីការការគំរាមកំហែងទាំងនេះ នាងបានចាប់ផ្ដើមស្លៀកសម្លៀកបំពាក់ធំលើសមាឌ ដើម្បីបិទបាំងរូបរាងរបស់នាង។ ទន្ទឹមនឹងនេះដែរ សម្រាប់ Michael វិញក៏ត្រូវបានគេលេងសើចចំពោះការធំយឺតជាងមិត្តរួមថ្នាក់របស់គាត់។
គូស្នេហ៍មួយគូនេះក៏ធ្លាប់ទទួលរងនូវការជេរប្រមាថពីអ្នក់នៅជុំវិញខ្លួនដែរ រួមទាំងមានម្តងនោះគេក៏បានចូលរួមដើរអាក្រាតកាយផងដែរ។ Fiona បាននិយាយថា “អ្នកជិតខាងរបស់យើងមានការភ្ញាក់ផ្អើល ប៉ុន្តែមួយសន្ទុះក្រោយមក ពួកគេមិនបានប្រកាន់នោះទេ” ។ “ឥឡូវនេះវាមិនមានអ្វីធ្វើឲ្យពួកគេភ្ញាក់ផ្អើលទៀតទេ នៅពេលដែលយើងសម្រាកនៅក្នុងសួនច្បារទាំងអាក្រាតកាយទាំងស្រុងនោះ៕
