តៃវ៉ាន់ប្រកាសថា ខ្លួននឹងបើកការិយាល័យតំណាងថ្មីនៅទីក្រុង Milan ប្រទេសអ៊ីតាលីនៅរដូវក្តៅនេះ បន្ថែមពីលើមជ្ឈមណ្ឌលពាណិជ្ជកម្មដែលខ្លួនមានរួចហើយ។
![](https://cambodiaflashnews.com/wp-content/uploads/2021/06/top-banner.gif)
នៅក្នុងសន្និសីទសារព័ត៌មានប្រចាំថ្ងៃ ក្រសួងការបរទេសតៃវ៉ាន់ហៅកាត់ថា MOFA បាននិយាយថា ខ្លួនបានសម្រេចចិត្តបើកការិយាល័យថ្មីមួយទៀត ដោយពិចារណាលើទំនាក់ទំនងញឹកញាប់ និងមិត្តភាពរវាងតៃវ៉ាន់និងអ៊ីតាលី ក្នុងវិស័យសេដ្ឋកិច្ច ពាណិជ្ជកម្ម វប្បធម៌ ការអប់រំ បច្ចេកវិទ្យា និងទេសចរណ៍។ អ៊ីតាលីជាដៃគូពាណិជ្ជកម្មធំទីបួនរបស់តៃវ៉ាន់ក៏ដូចជាជាតួអង្គនយោបាយសំខាន់នៅអឺរ៉ុប។ ដូច្នេះហើយ អ៊ីតាលីមានឋានៈសំខាន់ណាស់សម្រាប់តៃវ៉ាន់។
គម្រោងថ្មីនេះ គឺជាការពិតដែលថាមានមជ្ឈមណ្ឌលពាណិជ្ជកម្មតៃវ៉ាន់មួយមុនមានរួចហើយនៅក្នុងទីក្រុង Milan នឹងបំពេញបន្ថែមឲ្យកាន់តែបំពេញផលប្រយោជន៍ជាតិ ហើយជើងហោះហើរ EVA Air ក៏បានបង្កើតផ្លូវហោះហើរថ្មីពីតៃប៉ិទៅ Milan កាលពីខែតុលាឆ្នាំមុនផងដែរ។ អាស្រ័យដូចបានជម្រាបជូនខាងលើ តៃវ៉ាន់ជឿជាក់ថា ការបើកការិយាល័យតំណាងតៃប៉ិនៅទីក្រុង Milan នឹងជួយឆ្លើយតបទៅនឹងការកើនឡើងនៃតម្រូវការអាជីវកម្ម និងការធ្វើដំណើរ ព្រមទាំងជួយសម្រួលដល់កិច្ចសហប្រតិបត្តិការសេដ្ឋកិច្ច និងពាណិជ្ជកម្មបន្ថែមទៀតរវាងតៃវ៉ាន់ និងអ៊ីតាលី។
ក្រសួងរំពឹងថានឹងរកបុគ្គលិកចំនួនប្រាំនាក់ថ្មីដាក់នៅការិយាល័យនោះ។ ចំពោះកាលបរិច្ឆេទបើកដំណើរការគឺអាស្រ័យទៅលើពេលវេលាថាតើជួលបុគ្គលិកបានឆាប់ ឬយ៉ាងណា និងមួយវិញទៀត ដោយសារតែការិយាល័យស្ថិតក្នុងដំណើរការជួលមិនទាន់សម្រេច។ ជុំវិញដំណឹងនេះ គេមិនបានទទួលការព្រមានណាមួយពីសំណាក់ចិននៅឡើយទេ៕
ប្រភព៖ Taiwannews
ប្រភពរូប៖ Taiwannews
ប្រែសម្រួល៖សុខ តុលា