មនុស្ស១១នាក់បានស្លាប់ដោយខ្យល់គរនៅប្រទេសឥណ្ឌា បន្ទាប់ពីបានចូលរួមកម្មវិធីចែករង្វាន់កណ្តាលថ្ងៃក្តៅខ្លាំងនៅថ្ងៃអាទិត្យកន្លងទៅនេះ។
![](https://cambodiaflashnews.com/wp-content/uploads/2021/06/top-banner.gif)
តាមប្រភពសារព័ត៌មានរ៉យទ័របានឲ្យដឹងថា មនុស្សយ៉ាងហោចណាស់ ១១ នាក់បានស្លាប់កាលពីថ្ងៃអាទិត្យចុងសប្តាហ៍ថ្មីៗនេះ បន្ទាប់ពីទទួលរងអាការខ្យល់គរដាច់សរសៃឈាមក្នុងខួរក្បាលនៅក្នុងព្រឹត្តិការណ៍ចែករង្វាន់មួយដែលមានការចូលរួមដោយរដ្ឋមន្ត្រីក្រសួងមហាផ្ទៃឥណ្ឌានៅជាយក្រុង Mumbai។ ប្រមុខរដ្ឋ Maharashtra លោក Eknath Shinde បានប្រាប់អ្នកយកព័ត៌មានកាលពីយប់ថ្ងៃអាទិត្យថា មនុស្សប្រហែល ៥០ នាក់ផ្សេងទៀតក៏ត្រូវបានបញ្ជូនទៅមន្ទីរពេទ្យភ្លាមៗផងដែរ តែអ្នកស្លាប់មានតែ១១នាក់នេះទេ។
ការិយាល័យអាកាសធាតុបាននិយាយកាលពីខែកុម្ភៈឆ្នាំនេះថា ប្រទេសឥណ្ឌាទំនងជានឹងជួបប្រទះនឹងរលកកម្ដៅនៅចន្លោះខែមីនា និងខែឧសភា ខណៈដែលព្រឹត្តិការណ៍នេះត្រូវបានប្រារព្ធឡើងនៅខាងក្រៅវាល នៅពេលរសៀល ដែលសីតុណ្ហភាពអតិបរមាបានកត់ត្រាគឺ ៣៨អង្សាសេជាធម្មតាសម្រាប់ពេលវេលានេះ៕
ប្រភព៖ REUTERS
ប្រភពរូប៖REUTERS
ប្រែសម្រួល៖សុខ តុលា