ភ្នំពេញ៖បុរសម្នាក់ជិះម៉ូតូយ៉ាងលឿនជ្រុលទៅបុកគល់ស្ពានអាកាសចោមចៅ ពេញទំហឹងបណ្តាលឱ្យស្លាប់មួយរំពេចយ៉ាងអាណោចអាធ័ម។គ្រោះថ្នាក់ចរាចរនេះបានកើតនៅតាមផ្លូវជាតិលេខ៣ ឋិតក្នុងសង្កាត់ចោមចៅទី២ ខណ្ឌពោធិ៍សែនជ័យ កាលពីរំលងអធ្រាត្រឈានចូលថ្ងៃទី១៨ ខែមេសា។
សមត្ថកិច្ចគោលដៅបានឱ្យដឹងថា បុរសដែលស្លាប់ឈ្មោះ ឆាយ រដ្ឋា អាយុ៤២ឆ្នាំ កន្លែងកំណើតសង្កាត់ទឹកថ្លា ខណ្ឌសែនសុខ។
មុនកើតហេតុ ជនរងគ្រោះបើកម៉ូតូម៉ាកស្គុបពីផ្លាកលេខភ្នំពេញ1KA-2294 តាមផ្លូវជាតិលេខ៣ពីត្បូងទៅជើង។មកដល់កន្លែងខាងលើក៏ជ្រុលទៅបុកចំគល់ស្ពានអាកាសចោមចៅ បណ្តាលឱ្យស្លាប់ភ្លាមៗ។ បន្ទាប់មកសមត្ថកិច្ចបានទាក់ទងរកសាច់ញាតិជនរងគ្រោះឱ្យមកទទួលសពយកទៅធ្វើបុណ្យ៕ដោយ៖វិចិត្រ
