ប៉ៃលិន៖អ្នកបើកបររថយន្តក្នុងល្បឿនលឿន ដល់ផ្លូវកោងកាច់ចង្កូតមិនទាន់ ជ្រុលក្រឡាប់ធ្លាក់ទឹកអូរបណ្តាលឱ្យតៃកុងស្លាប់ រីឯស្ត្រីរួមដំណើរម្នាក់រងរបួសធ្ងន់។គ្រោះថ្នាក់ចរាចរនេះបានកើតឡើងនៅត្រង់ផ្លូវកោង ឋិតក្នុងភូមិដីស្អិត ឃុំស្ទឹងត្រង់ ស្រុកសាលាក្រៅ ខេត្តប៉ៃលិន កាលពីថ្ងៃទី១៦ ខែមេសា។
![](https://cambodiaflashnews.com/wp-content/uploads/2021/06/top-banner.gif)
មន្ត្រីនគរបាលបានឱ្យដឹងថា បុរសបាត់បង់ជីវិតឈ្មោះម៉ៅ ណារិន អាយុ ៦៥ ឆ្នាំ ជាអ្នកបើកបរ។ស្ត្រីរួមដំណើរឈ្មោះ អេង ស្រស់ អាយុ ៣៥ ឆ្នាំរ ងរបួសធ្ងន់។ទាំង២នាក់នៅក្នុងភូមិចម្ការកាហ្វេ សង្កាត់ទួលល្វា ខេត្តប៉ៃលិន ។
មុនកើតហេតុ ជនរងគ្រោះធ្វើដំណើរចេញពីក្រុងប៉ោយប៉ែត ខេត្តបន្ទាយមានជ័យតាមរថយន្ត ម៉ាក NISSAN FRONTER ផ្លាកលេខប៉ៃលិន2A 4031 មកខេត្តប៉ៃលិន។លុះដល់កន្លែងខាងលើត្រង់ផ្លូវកោងខ្លាំង ខណៈរថយន្តមានល្បឿនលឿនបានជ្រុលទៅបុកបង្គោលផ្លូវបាក់អស់២ដើមហើយក្រឡាប់ធ្លាក់ចូលក្នុងទឹកអូរបណ្តាលឱ្យមានអ្នកស្លាប់និងរបួសតែម្តង។
ក្រោយពីកើតហេតុ អុ្នករបួសត្រូវបានបញ្ជូនទៅមន្ទីរពេទ្យខេត្តប៉ៃលិនដើម្បីសង្គ្រោះបន្ទាន់។ចំណែកសាកសពក្រុមគ្រួសារបានយកទៅធ្វើបុណ្យ៕ដោយ៖វិចិត្រ