របាយការណ៍ចារកម្មអាម៉េរិកបាននិយាយថា ទាហានរុស្ស៊ី និងអ៊ុយក្រែន ប្រមាណជា ៣៥៤.០០០នាក់ ត្រូវបានសម្លាប់ ឬរងរបួសនៅក្នុងសង្គ្រាមអ៊ុយក្រែនដែលកំពុងអូសបន្លាយជាង៤០០ថ្ងៃ។
យោងតាមឯកសារសម្ងាត់របស់សហរដ្ឋអាម៉េរិក ដែលបានបង្ហោះតាមអ៊ីនធឺណិតចេញផ្សាយនៅថ្ងៃទី២៣ ខែកុម្ភៈ ឆ្នាំ ២០២៣ ដែលមានចំណងជើងថា “សមរភូមិសម្រាប់តំបន់ Donbas ទំនងជាឆ្ពោះទៅរកភាពទាល់ច្រកពេញមួយឆ្នាំ ២០២៣” រុស្ស៊ីទំនងជាមិនអាចយកផ្នែកនោះនៃភាគខាងកើតអ៊ុយក្រែនបានទេ។ ការវាយតម្លៃនេះបាននិយាយថា ផែនទីចាត់ថ្នាក់នៃមុខតំណែងរុស្ស៊ី “យុទ្ធនាការកិនកម្ទេចរបស់រុស្ស៊ីនៅក្នុងតំបន់ Donbas ទំនងជាកំពុងឆ្ពោះទៅរកភាពទាល់ច្រក ដែលរារាំងគោលដៅរបស់ទីក្រុងមូស្គូក្នុងការចាប់យកតំបន់ទាំងមូលនៅឆ្នាំ ២០២៣”។
“យុទ្ធសាស្ត្រទាំងនេះបានកាត់បន្ថយកម្លាំង និងឃ្លាំងអាវុធរបស់រុស្ស៊ីដល់កម្រិតមួយ ដែលរារាំងការងើបឡើងវិញដែលមិនបានមើលឃើញទុកជាមុន អាចធ្វើឱ្យអង្គភាពរុស្ស៊ីអស់កម្លាំង និងធ្វើឱ្យខូចដល់គោលដៅសង្គ្រាមរបស់ទីក្រុងមូស្គូ ដែលបណ្តាលឱ្យមានសង្រ្គាមអូសបន្លាយលើសពីឆ្នាំ ២០២៣”។ ទាហានរុស្ស៊ី និងអ៊ុយក្រែនសរុប ប្រមាណជា ៣៥៤.០០០នាក់ ត្រូវបានផ្ទៀងផ្ទាត់ថាបានសម្លាប់ ឬរងរបួសនៅក្នុងសង្គ្រាម ដែលកំពុងឈានទៅរកជម្លោះអូសបន្លាយនេះ។
ប្រសិនបើរបាយការណ៍នេះជាការពិត នោះវានឹងផ្តល់ការយល់ដឹងដ៏កម្រនៃទស្សនៈរបស់ទីក្រុងវ៉ាស៊ីនតោនអំពីជម្លោះដ៏សាហាវបំផុតរបស់អឺរ៉ុបចាប់តាំងពីសង្គ្រាមលោកលើកទីពីរចាប់ផ្តើម៕
ប្រភព៖ ALJAZEERA
ប្រភពរូប៖ ALJAZEERA
ប្រែសម្រួល៖សុខ តុលា
