ភ្នំពេញ៖រថយន្តឡិចស៊ីសRX300 បុកជាមួយរថយន្តតូយូតាព្រូស បណ្តាលឱ្យរថយន្តព្រូសដាច់កង់ រីឯឡិចស៊ីសជ្រុលធ្លាក់ផ្លូវរងការខូចខាតយ៉ាងដំណំទាំង២គ្រឿង។គ្រោះថ្នាក់នេះបានកើតឡើងនៅផ្លូវ៣០ម៉ែត្រ បុរីសន្តិភាព២ សង្កាត់ចោមចៅទី២ ខណ្ឌពោធិ៍សែនជ័យ កាលពីយប់ថ្ងៃទី១២ ខែមេសា។
![](https://cambodiaflashnews.com/wp-content/uploads/2021/06/top-banner.gif)
សាក្សីបានឱ្យដឹងថា មុនកើតហេតុរថយន្ដម៉ាក Toyota Prius ផ្លាកលេខភ្នំពេញ 2BI-2843 បើកតាមផ្លូវ៣០ម៉ែត្រពីកើតទៅលិច។មកដល់កន្លែងខាងលើស្រាប់តែមានរថយន្ដឡិចស៊ីស RX300 ផ្លាកលេខភ្នំពេញ 2AR-5475 បើកយ៉ាងលឿនមកពីក្រោយជ្រុលបុករថយន្តPrius ពីចំហៀងបណ្ដាលឱ្យដាច់កង់ម្ខាង រីឯរថយន្តឡិចស៊ីសជ្រុលធ្លាក់ចូលប្រឡាយរងការខូចខាតយ៉ាងដំណំ។ក្នុងហេតុការណ៍នេះមិនបង្កគ្រោះថ្នាក់ដល់មនុស្សទេ។
បន្ទាប់មកសមត្ថកិច្ចជំនាញចរាចរណ៍បានចុះយករថយន្ដទាំង២គ្រឿងទៅទុកនៅស្នងការដ្ឋាននគរបាលរាជធានីភ្នំពេញដើម្បីដោះស្រាយពេលក្រោយ៕ដោយ៖វិចិត្រ