បន្ទាយមានជ័យ៖កម្លាំងអាវុធហត្ថខេត្តបន្ទាយមានជ័យ កាលពីរសៀលថ្ងៃទី១២ ខែមេសា បានបញ្ជូនជនសង្ស័យករណីរំលោភសេពសន្ថវៈកូនស្រីបង្កើតទៅតុលាការដើម្បីអនុវត្តតាមច្បាប់។
![](https://cambodiaflashnews.com/wp-content/uploads/2021/06/top-banner.gif)
សមត្ថកិច្ចខេត្តបានឱ្យដឹងថា កាលពីថ្ងៃទី១១ ខែមេសា កម្លាំងអាវុធហត្ថក្រុងប៉ោយប៉ែតបានឃាត់ជនសង្ស័យម្នាក់ពីបទរំលោភសេពសន្ថវៈលើកូនស្ត្រីបង្កើតដែលប្រព្រឹត្តកាលពីថ្ងៃទី៥-៦ ខែមេសាកន្លងទៅនៅសង្កាត់ផ្សារកណ្ដាល ក្រុងប៉ោយប៉ែត ។ជនសង្ស័យឈ្មោះ ទសឌ អាយុ៣៥ឆ្នាំ ។ក្មេងស្រីរងគ្រោះឈ្មោះអាយុ១១ឆ្នាំ ត្រូវឪពុកបង្កើតចាប់រំលោភតាំងពីអាយុ៩ឆ្នាំរហូតដល់លើកចុងក្រោយរំលោភនៅថ្ងៃទី៥-៦ ខែមេសានេះ។
ក្រោយបានទទួលពាក្យបណ្ដឹងពីអ៊ំបង្កើតរបស់នាង កម្លាំងជំនាញបានចុះឃាត់ខ្លួនជនសង្ស័យជាឪពុកយកទៅសាកសួរ។ជនសង្ស័យបានបដិសេធមិនព្រមទទួលស្គាល់កំហុស ដែលកូនស្រីចោទថានាំនាងទៅមុជទឹក រួចចាប់រំលោភរូបនាងនៅបន្ទប់ទឹកនាពេលចុងក្រោយនោះទេ។ប៉ុន្តែទោះយ៉ាងណាជនសង្ស័យត្រូវបានបញ្ជូនទៅតុលាការចាត់ការបន្តតាមនីតិវិធី៕ដោយ៖វិចិត្រ