ដោយ៖ សហការី
នៅប្រទេសម៉ាឡេស៊ីមានប្តីប្រពន្ធវ័យចំណាស់មួយគូបានស្លាប់ក្រោយពីបានទទួលទានត្រីក្រពត កំពុងបង្កការភ្ញាក់ផ្អើលយ៉ាងខ្លាំង និងមិនទាន់អស់ចិត្តពីកូនៗ។
CNN បានឲ្យដឹងថា អាជ្ញាធរនៅរដ្ឋ Johor ភាគខាងត្បូងបានប្រាប់ បុរសឈ្មោះ Ng Chuan Sing និងប្រពន្ធរបស់គាត់ឈ្មោះ Lim Siew Guan អ្នកទាំងពីរកាលពីពេលមុនៗបានទិញត្រី pufferfish យ៉ាងតិចចំនួនពីរក្បាលពីអ្នកលក់អនឡាញ ដោយមិនបានដឹងអំពីប្រភេទត្រីនោះទេ កាលពីថ្ងៃទី ២៥ ខែមីនា។
អាជ្ញាធរបាននិយាយថា នៅថ្ងៃដដែលនោះ Lim បានចៀនត្រីធ្វើជាអាហារហូបថ្ងៃត្រង់ ក្រោយមកក៏ចាប់ផ្តើមមានអការ “ពិបាកដកដង្ហើមនិងញ័រខ្លួន”។ មួយម៉ោងបន្ទាប់ពីទទួលទានអាហាររួចមក ប្តីរបស់នាងក៏ចាប់ផ្តើមមានអការៈចេញរោគសញ្ញាស្រដៀងគ្នានេះដែរ។
ប្តីប្រពន្ធមួយគូនេះត្រូវបានគេបញ្ជូនទៅកាន់មន្ទីរពេទ្យភ្លាមៗ និងបានបញ្ជូនទៅកាន់បន្ទប់សង្គ្រោះបន្ទាន់ បន្តិចក្រោយមក Lim ត្រូវបានពេទ្យប្រាប់ថា គាត់បានស្លាប់នៅម៉ោង ៧យប់ ម៉ោងនៅក្នុងស្រុក។
Ng Ai Lee បានធ្វើសន្និសីទកាសែតនៅគេហដ្ឋានរបស់គាត់កាលពីថ្ងៃអាទិត្យ មុនពិធីបុណ្យសពរបស់ឪពុកម្តាយនាង។ កូនស្រីរូបនោះបាននិយាយថា ប៉ាបានសន្លប់អស់រយៈពេល ៨ថ្ងៃ ក្រោយមកស្ថានភាពរបស់គាត់កាន់តែអាក្រក់ឡើងៗ ហើយគាត់ក៏បានស្លាប់នៅព្រឹកថ្ងៃសៅរ៍។ Ng បានទាមទារឲ្យមានការទទួលខុសត្រូវចំពោះការស្លាប់របស់ឪពុកម្តាយពួកគេ និងបង្កើតច្បាប់ឲ្យបានរឹងមាំនៅក្នុងប្រទេសម៉ាឡេស៊ី។
Ng បាននិយាយទៀតថា “អ្នកដែលទទួលខុសត្រូវចំពោះការស្លាប់របស់ពួកគេ គួរតែទទួលខុសត្រូវចំពោះមុខច្បាប់ ហើយខ្ញុំសង្ឃឹមថាអាជ្ញាធរនឹងពន្លឿនការស៊ើបអង្កេតមួយនេះ” ។ “ខ្ញុំក៏សង្ឃឹមថា រដ្ឋាភិបាលម៉ាឡេស៊ីនឹងបង្កើនការអនុវត្តច្បាប់នឹងជួយលើកកម្ពស់ការយល់ដឹងជាសាធារណៈ អំពីការពុលត្រី pufferfish ដើម្បីការពារមិនឲ្យមានឧប្បត្តិហេតុបែបនេះកើតមានឡើងម្តងទៀត”។ ដោយច្បាប់នៅប្រទេសម៉ាឡេស៊ីត្រូវបានគេហាមឃាត់លក់អាហារ ដែលមានជាតិពុល និងមានហានិភ័យដូចជាសាច់ត្រី pufferfish ហើយបទល្មើសនេះត្រូវតែពិន័យជាប្រាក់ ២,៣០០ដុល្លារ ឬអាចជាប់គុករហូតដល់ ២ឆ្នាំ៕
