ដោយ៖ សហការី
នារីវ័យ ២៩ឆ្នាំម្នាក់លែងរងការរិះគន់ និងខ្មាសអៀនទៀតហើយ ទោះមិនពាក់អាវទ្រនាប់ នៅទីសាធារណៈក៏ដោយ ក្រោយនាងបានវះកាត់សុដន់ចេញពីរាងកាយ។
បើតាមការចុះផ្សាយរបស់ Daily Mail កាលពីថ្ងៃទី ១០ ខែមេសា ឆ្នាំ ២០២៣បានឲ្យដឹងថា នារីខាងលើមានឈ្មោះ Stephanie Germino មកពីរដ្ឋ Florida មានការផ្លាស់ប្តូរហ្សែន BRCA1 របស់នាង គឺដោយសារ ៨៧ភាគរយនាងមានការវិវត្តទៅជាជំងឺមហារីកសុដន់។ ដើម្បីជៀសវាងពីជំងឺដ៏កាចសាហាវនេះ នាងក៏សម្រេចចិត្តធ្វើការវះកាត់សុដន់របស់នាង ដោយរូបគេបានធ្វើការវះកាត់ចំនួនពីរដងហើយក៏មិនដាក់សុដន់សិប្បនិមិត្តឡើងវិញនោះដែរ។
ឥឡូវនេះរឿងរបស់នាងបានផ្ទុះឡើងដោយមានអ្នកចូលមើលជាង ១.៥ លាននាក់នៅលើ TikTok និងអ្នកកំពុងប្រើប្រាស់បណ្តាញផ្សព្វផ្សាយសង្គម ដើម្បីចែករំលែករឿងរ៉ាវរបស់នាង ជាផ្នែកមួយបង្កើនការយល់ដឹងអំពីវិធីលម្អិតស្តីពី “សេរីភាព” បែបថ្មីមួយរបស់នាង។
នៅក្នុងឃ្លីបវីដេអូ YouTube ដែលត្រូវបានបង្ហោះឡើង Shera ដែលជាវេទិកាឌីជីថលដាស់តឿនដល់ការផ្តល់សិទ្ធិជូនស្ត្រីភេទ។ ស្ត្រីវ័យ ២៩ឆ្នាំម្នាក់នេះបានបង្ហាញឲ្យឃើញថា នាងមានការជឿជាក់លើរាងកាយរបស់ខ្លួនច្រើនជាងមុនពេលវះកាត់។
Stephanie បានបង្ហាញពីសភាវៈវិជ្ជមានលើការវះកាត់ចំនួនពីរដង ហើយនាងមានសេរីភាពមិនចាំបាច់ពាក់អាវទ្រនាប់ និងអាចពាក់អាវវាលបាននៅតាមទីសាធារណៈថែមទៀតផង។ ម្តាយនាងបានប្រាប់ថា “នាងជឿជាក់លើរាងកាយ ១០០% មុនពេលដែលនាងធ្វើការវះកាត់ ព្រោះនាងមិនដែលស្រលាញ់សុដន់របស់នាងតាំងពីពេលដែលនាងមានជំងឺមកម៉្លេះ”។ ស្រ្តីរូបនោះនិយាយថា “សុដន់មិនមែនជាប្រភេទបង្ហាញពីភាពជាស្ត្រីរបស់ខ្ញុំនោះទេ ហើយខ្ញុំត្រូវបានគេមើលឃើញថា ខ្ញុំបានបង្ហាញវានៅតាមទីសាធារណៈ ហើយក៏គ្មាននរណាម្នាក់រករឿងខ្ញុំ ថាជាមនុស្សគ្មានកេរខ្មាសនោះដែរ គឺវាមានភាពវិជ្ជមានសម្រាប់ខ្ញុំជានិច្ច”។
Stephanie បាននិយាយដូច្នេះថា នាងមានសេចក្តីរីករាយជាខ្លាំងនៅពេលដែលនាងបានដោះអាវទ្រនាប់ចេញ បើទោះជានាងត្រូវប្រើពេលដើម្បីសម្របខ្លួនជាមួយនឹងរាងកាយថ្មីមួយរយៈក៏ដោយ៕
