មេក្រុមទាហានស៊ីឈ្នួល Wagner របស់រុស្ស៊ី លោក Yevgeny Prigozhin បានអះអាងចុងក្រោយថា កងកម្លាំងរបស់ខ្លួនបានគ្រប់គ្រងទីក្រុង Bakhmut ខេត្តដូណេតអ៊ុយក្រែនច្រើនជាង ៨០ ភាគរយហើយ។
![](https://cambodiaflashnews.com/wp-content/uploads/2021/06/top-banner.gif)
នៅក្នុងវីដេអូដែលបានចេញផ្សាយដោយអ្នកសរសេរប្លុកយោធារុស្ស៊ី នៅលើបណ្តាញ Telegram លោក Prigozhin ត្រូវបានគេមើលឃើញថាបានបង្ហាញនៅលើផែនទីនៃតំបន់អំពីរបៀបដែលកងកម្លាំងរបស់គាត់កំពុងបន្តឡោមព័ទ្ធទីក្រុងបាក់មុតនេះ។ Prigozhin បាននិយាយថា “នៅក្នុងទីក្រុង Bakhmut ដែលជាផ្នែកធំជាង ៨០ ភាគរយឥឡូវនេះស្ថិតនៅក្រោមការគ្រប់គ្រងរបស់យើង រួមទាំងមជ្ឈមណ្ឌលរដ្ឋបាលទាំងមូល រោងចក្រ ឃ្លាំង ការគ្រប់គ្រងទីក្រុង”។ គាត់បានប្រើប៊ិកសញ្ញាសម្គាល់ពណ៌ក្រហម ដើម្បីរំលេចតំបន់លំនៅឋានតូចមួយនៃទីក្រុង ដែលនៅសេសសល់ត្រូវបានកាន់កាប់ដោយកងកម្លាំងរុស្ស៊ី។ លោកបាននិយាយថា៖ “នៅទីនោះសង្គ្រាមនៅតែបន្ត”។
ការអត្ថាធិប្បាយរបស់ Prigozhin កើតឡើងមួយថ្ងៃបន្ទាប់ពីប្រធានខេត្ត Donetsk ដែលដំឡើងដោយរុស្ស៊ីបានទៅលេង Bakhmut ហើយបាននិយាយថា “ច្រើនជាង ៧៥ ភាគរយនៃទីក្រុងស្ថិតនៅក្រោមការគ្រប់គ្រងរបស់អង្គភាពរបស់យើង”។ ចំពោះការអះអាងនេះ គេនៅមិនទាន់បានផ្ទៀងផ្ទាត់ត្រឹមត្រូវពីខាងអ៊ុយក្រែននៅឡើយទេ ខណៈដែលBakhmut បានឃើញការប្រយុទ្ធគ្នាខ្លាំងបំផុតក្នុងសង្រ្គាមជិត ១៤ ខែ៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា