ភ្នំពេញ៖សម្តចតេជោហ៊ុន សែន នាយករដ្ឋមន្រ្តីបានបញ្ចប់មុខតំណែងមន្ត្រីនៃអគ្គនាយកដ្ឋាននៃរដ្ឋលេខាធិការដ្ឋានអាកាសចរស៊ីវិលម្នាក់ បន្ទាប់ពីប្រើអាវុធគំរាមកំហែងអ្នកដទៃ។
![](https://cambodiaflashnews.com/wp-content/uploads/2021/06/top-banner.gif)
សម្តេចតេជោ ហ៊ុន សែន តាមរយៈតេឡេក្រាមបានចេញអនុក្រឹត្យសម្រេចបញ្ចប់មុខតំណែងលោក បែល វ៉ាន់ដែត ពីអគ្គនាយករង នៃអគ្គនាយកដ្ឋានរដ្ឋបាល និងកិច្ចការទូទៅនៃរដ្ឋលេខាធិការដ្ឋានអាកាសចរស៊ីវិល បន្ទាប់ពីបុគ្គលរូបនេះ អាងអំណាចហើយបានយកអាវុធទៅគំរាមកំហែងអ្នកទន់ខ្សោយកាលពីពេលកន្លងទៅ។
បន្ថែមលើអនុក្រឹត្យនោះសម្តេចតេជោ ហ៊ុន សែន មានប្រសាសន៍ថា “បើតុលាការមិនចាត់ការតាមផ្លូវច្បាប់ទេទុកឱ្យខ្ញុំដាក់វិន័យតាមផ្លូវរដ្ឋសិន។អាងមានអំណាចប្រើប្រាស់អាវុធគំរាមអ្នកទន់ខ្សោយ”។ សម្តេចតេជោ ហ៊ុន សែនព្រមានថា“នេះជាសារព្រមានចំពោះមន្ត្រីទាំងអស់សូមកុំអាងអំណាចធ្វើបាបអ្នកទន់ខ្សោយ ជាពិសេសសូមកុំប្រើប្រាស់អាវុធខុសច្បាប់”។
“សូមរដ្ឋមន្ត្រីក្រសួងយុត្តិធម៌ធ្វើការជាមួយតុលាការ សូមកុំឱ្យជនល្មើសប្រើប្រាស់អាវុធខុសច្បាប់បាននៅក្រៅឃុំមុនពេលកាត់ទោស ដែលជននោះអាចតាមគំរាមកំហែងដល់អ្នកផ្សេងទៀត”៕ដោយ៖វិចិត្រ