ដោយ៖ សហការី
បុរសជនជាតិស៊ុយអែតម្នាក់កំពុងធ្វើឲ្យមានការភ្ញាក់ផ្អើលយ៉ាងខ្លាំង បន្ទាប់ពីគាត់បានកាច់តាមសន្លាក់លើរាងកាយរបស់គាត់លាន់ឮរហូត៤៦ជាប់គ្នាបំបែកកំណត់ត្រាពិភពលោក។
Olle Lundin មានអាយុ ២៣ឆ្នាំ ជនជាតិស៊ុយអែត បានបំបែកឯតទគ្គកម្មលើការបំបែកសន្លាក់ជាបន្តបន្ទាប់ផ្សេងៗគ្នា។ គាត់បានបំបែកសន្លាក់ចំនួន ៤៦កន្លែងជាប់ៗគ្នានៅក្នុងខ្លួនរបស់គាត់ ធ្វើឲ្យគាត់បំបែកកំណត់ត្រាថ្មី លើអ្នកជាប់កំណត់ត្រាចាស់។ ដោយពីមុនគេបានត្រឹមតែ ៤០កន្លែង ដែលជាកំណត់ត្រារបស់ Kamal Pokhrel ជនជាតិនេប៉ាល់ នៅក្នុងខែធ្នូ ឆ្នាំ ២០២២។
Olle មានការរៀបចំ “បន្តិចបន្តួច” ដើម្បីបំបែកកំណត់ត្រាពិភពលោកមួយនេះ គឺថាគាត់បានធ្វើការបំបែកសន្លាក់តាមលំដាប់ផ្សេងៗគ្នាជារៀងរាល់ថ្ងៃអស់រយៈពេលជាងមួយខែទើបអាចបំបែកកំណត់ត្រាលំដាប់ពិភពលោក។ នៅថ្ងៃដែលត្រូវធ្វើជាផ្លូវការ Olle បានផ្អាកធ្វើចលនាភ្លាមៗ ដើម្បីជៀសវាងមិនឲ្យសន្លាក់ប្រេះចេញមុនពេលប្រកួតជាផ្លូវការ។ គេត្រូវប្រើពេលមិនលើសពី៣វិនាទី ដើម្បីធ្វើឲ្យសន្លាក់នីមួយៗមានគម្លាត។ ប្រសិនបើសន្លាក់មិនប្រេះចេញក្នុងគ្រាដំបូងទេ អ្នកប្រកួតប្រជែងត្រូវតែផ្លាស់ទីទៅផ្នែកបន្ទាប់ទៀត។
Olle បានប្រើពេលជាច្រើនម៉ោងដើម្បីរកវិធី “ដ៏ល្អឥតខ្ចោះ”គាត់បាននិយាយថាការធ្វើនៅក្នុងខណៈពេលដែលមានការប្រេកួតប្រជែងដ៏តានតឹងគឺពិតជាពិបាកជាងការរំពឹងទុក។ ជនជាតិស៊ុយអែតម្នាក់នេះបន្តថា មិនបណ្តោយឱ្យមានសម្ពាធមកលើគាត់នោះទេក្នុងខណៈដែលគាត់បានបំបែកកំណត់ត្រាមុនដោយសាការបំបែកសន្លាក់បានជោគជ័យចំនួនប្រាំមួយ។ Olle ចាប់ផ្ដើមកាច់ម្រាមដៃដូចកាលដែលគាត់ធ្លាប់ធ្វើវាកាលនៅពីក្មេងអាយុប្រហែលប្រាំមួយឆ្នាំ។ គាត់នឹកឃើញកាលនោះជីដូនរបស់គាត់បានប្រាប់គាត់ឲ្យឈប់កាច់វាព្រោះវាអាចធ្វើឲ្យម្រាមដៃគាត់កោងដូចគាត់។
Olle ប្រាប់ថា ការបំបែកសន្លាក់ពេលខ្លះធ្វើឲ្យ “មានការឈឺចាប់” នៅពេលវាប្រេះចេញដំបូងតែយ៉ាងណាក៏ដោយក៏គាត់តែងតែ “មិនចាប់អារម្មណ៍” ចំពោះការឈឺចាប់ទាំងនោះទេ។
លោកបានប្រាប់ថា សន្លាក់ដែលឈឺបំផុតជាសន្លាក់តូចជាងគេដូចជាសន្លាក់ដែលនៅ ‘កណ្តាល’ នៃម្រាមដៃ និងម្រាមជើង។ Olle និយាយថាឥឡូវនេះសន្លាក់ដែលរឹងបំផុតក៏លែងមានអារម្មណ៍ថាឈឺទៀតហើយ។
Olle បានបំបែកសន្លាក់ចំនួន ៤៦ កន្លែងជាប់ៗគ្នា ដើម្បីបំបែកកំណត់ត្រាពិភពលោករួមទាំងសន្លាក់ខ្នង និងកជើងរបស់គាត់ផងដែរ ប៉ុន្តែគាត់គិតថាគាត់អាចធ្វើបានរហូតដល់ទៅ ៦០ សន្លាក់ ។ នៅលើរាងកាយរបស់មនុស្សមានសន្លាក់សរុបទាំងអស់ចំនួន ៣៦០ មានន័យថានៅមានសន្លាក់ជាច្រើនដែល Olle មិនអាចបំបែកចេញបាន ទោះបីជាខិតខំយ៉ាងណាក៏ដោយ។ គាត់បាននិយាយថា ខ្ញុំបានព្យាយាមកាច់ថ្គាម ត្រចៀក និងច្រមុះ ទោះបីខ្ញុំមិនប្រាកដថាវាអាចទៅរួចក៏ដោយ៕
