ដោយ៖ សហការី
![](https://cambodiaflashnews.com/wp-content/uploads/2021/06/top-banner.gif)
ឆ្កែមួយក្បាលនៅសហរដ្ឋអាម៉េរិកអាយុពេញវ័យទៅហើយ មានទំហំប៉ុនក្រដាសលុយ១ដុល្លារ វាមានខ្លួនតូចជាងគេជាប់កំណត់ត្រាពិភពលោក។
បើតាម Guinness would record បានឲ្យដឹងនៅថ្ងៃទី ៩ ខែមេសា ឆ្នាំ ២០២៣ថា មានឆ្កែមួយក្បាលនៅសហរដ្ឋអាម៉េរិក ជាឆ្កែញីអំបូ Chihuahua មានអាយុពីរឆ្នាំ មានឈ្មោះថា Pearl បានជាប់កំណត់ត្រាជាផ្លូវការ គឺជាឆ្កែដែលមានរាងទាបបំផុតលើពិភពលោក កាលពីខែកញ្ញា ឆ្នាំ ២០២០។
គេបានដាក់ឈ្មោះវាថា Pearl មានកម្ពស់ ៩.១៤ សង់ទីម៉ែត្រ គឺខ្លីជាងកំណាត់ឈើ ជាឆ្កែញីដែលមានដងខ្លួនខ្លីបំផុតលើពិភពលោក។ ប្រវែងដងខ្លួនរបស់ Pearl គឺ ១២.៧ សង់ទីម៉ែត្រ ជុំវិញទំហំប៉ុនគ្នានឹងក្រដាសប្រាក់ដុល្លារ ហើយមានទម្ងន់ ៥៥៣ក្រាម ស្មើនឹង ១.២២ ផោន។
Pearl ជាអំបូរនៃសត្វឆ្កែដែលបានជាប់កំណត់ត្រាជំនាន់មុនមានឈ្មោះ Miracle Milly មានកម្ពស់ ៩.៦៥សង់ទីម៉ែត្រ ដែលបានងាប់នៅក្នុងឆ្នាំ ២០២០មុនការចាប់កំណើតរបស់ Pearl។
Vanesa Semler ដែលជាម្ចាស់កូនឆ្កែ Pearl បាននិយាយថា “គឺជាសំណាងរបស់យើងដែលទទួលបាន Pearl ” ។ “វាជាឱកាសដ៏វិសេសវិសាលដែលយើងបានបំបែកកំណត់ត្រាមួយនេះ ហើយបានចែករំលែកដំណឹងដ៏អស្ចារ្យនេះទៅកាន់ពិភពលោក”។ ថ្មីៗនេះ Pearl បានបង្ហាញខ្លួនទៅកាន់ពិភពលោកនៅទីក្រុង Milan ក្នុងប្រទេសអ៊ីតាលី នៅក្នុងកម្មវិធីទូរទស្សន៍ Lo Show Dei Record ។ វាត្រូវបាននាង Vanesa ដែលជាម្ចាស់យកឡើងទៅលើឆាក ដាក់ក្នុងកៅអីដែលមានរាងដូចពងមាន់ Easter ដោយទទួលកាអបអរ និងមានការទះដៃយ៉ាងកងរំពងដ៏គួរឲ្យរំភើបក្រៃលែង។
Vanesa ដែលជាម្ចាស់បានប្រាប់អ្នករៀបចំកម្មវិធី Gerry Scotti ថា Pearl វារាង “ហ៊ីហាបន្តិចហើយ”។ វាចូលចិត្តអាហារឆ្ងាញ់ៗដូចជាសាច់មាន់ និងត្រីសាម៉ុងជាដើម ជាពិសេសវាចូលចិត្ត “ស្លៀកពាក់ឆើតឆាយ”។
ម្ចាស់ឆ្កែបន្ថែមឲ្យដឹងទៀតថា វាពិតជាមិនធម្មតានោះទេសម្រាប់កូនឆ្កែតឿ Chihuahua Pearl វាមានចរិតស្ងប់ស្ងាត់ហើយថែមទាំងរហ័សរហួននៅក្នុងពេលកំពុងសំដែង នៅលើឆាកនៅពីមុខទស្សនិកជនដ៏ច្រើនកុះករ។ ចំពោះកម្ពស់ដែលបានបំបែកឯតទគ្គកម្មរបស់ Pearl គឺត្រូវបានគេវាស់នៅមន្ទីរពេទ្យតែម្តង នៅចំពេលដែលវាកើតនៅមន្ទីរពេទ្យសត្វ Crystal Creek ក្នុងទីក្រុង Orlando រដ្ឋ Florida៕