បន្ទាយមានជ័យ៖នគរបាលក្រុងប៉ោយប៉ែត បានឃាត់ខ្លួនជនជាតិឥណ្ឌូនេស៊ីម្នាក់ បន្ទាប់ពីបើករថយន្តបុកផាស្អេបនិងម៉ូតូបណ្តាលឱ្យរងរបួសធ្ងន់៤នាក់។គ្រោះថ្នាក់ចរាចរនេះបានកើតឡើងនៅតាមផ្លូវជាតិលេខ៥ ក្នុងសង្កាត់ផ្សារកណ្តាល ក្រុងប៉ោយប៉ែត កាលពីព្រឹកថ្ងៃទី១១ ខែមេសា។
សមត្ថកិ្ចបានឱ្យដឹងថា មុនកើតហេតុមានរថយន្តបាឡែនផ្លាកលេខភ្នំពេញ.2AJ-5638 បើកពីលិចទៅកើតក្នុងល្បឿនលឿន។
មកដល់កន្លែងខាងលើ ស្រាប់តែរថយន្តនេះបានទៅបុកផាស្អេបមកពីមុខធ្វើឱ្យផាស្អេបក្រឡាប់។រថយន្តនេះបានជ្រុលទៅបុកម៉ូតូមកពីមុខមួយគ្រឿងទៀត បណ្តាលឱ្យមានអ្នករងរបួសធ្ងន់៤នាក់ ត្រូវនគរបាលជួយអន្តរាគមន៍ដឹកទៅមន្ទីរពេទ្យដើម្បីសង្គ្រោះ។
ក្រោយពីមានគ្រោះថ្នាក់ សមត្ថកិច្ចបានឃាត់ខ្លួនអ្នកបើកបរជនជាតិឥណ្ឌូនេស៊ីម្នាក់ជាមួយរថយន្ត-ផាស្អេបនិងម៉ូតូយកទៅទុកបណ្តោះអាសន្ននិងកសាងសំណុំរឿងបញ្ជូនបន្តតាមនីតិវិធី៕ដោយ៖វិចិត្រ
