រូបិយប័ណ្ណប្រាក់រូបរបស់រុស្ស៊ី បានទទួលរងនូវភាពអាក្រក់បំផុតក្នុងពេលមួយសប្តាហ៍ចុងក្រោយនេះបើធៀបនឹងប្រាក់ដុល្លារអាម៉េរិក។
រូបិយប័ណ្ឌរបស់រុស្ស៊ីបានទទួលរងនូវឥទ្ធិពលធ្លាក់ចុះដ៏អាក្រក់បំផុតនៅរយៈពេលសប្តាហ៍ចុងក្រោយនេះ ក៏ដូចជាឆ្នាំនេះធៀបនឹងប្រាក់ដុល្លារអាម៉េរិក ដោយការធ្លាក់ចុះដោយសារកង្វះរូបិយប័ណ្ណបរទេសនៅទីក្រុងមូស្គូ និងការលក់អាជីវកម្មលោកខាងលិចនៅក្នុងប្រទេសរុស្ស៊ី។ ប្រាក់រូបបានធ្លាក់ចុះជាង ២ ភាគរយធៀបនឹងប្រាក់ដុល្លារដល់កម្រិតទាបគិតត្រឹមថ្ងៃសុក្រទី ៧ ខែមេសា ឆ្នាំ២០២៣ នៅត្រឹម ៨៣.៥០ក្នុងមួយដុល្លារ ខណៈហាងឆេងអាចនឹងបន្តធ្លាក់ចុះជាងនេះទៀតដែលជាការចុះខ្សោយបំផុតចាប់តាំងពីខែមេសាឆ្នាំមុន ហើយបានធ្លាក់ចុះច្រើនជាង ២ ភាគរយធៀបនឹងប្រាក់អឺរ៉ូដល់កម្រិតទាបនៅថ្ងៃសុក្រ ខណៈស្មើនឹង ៩១.៣២ក្នុងមួយអឺរ៉ូ។ សរុបមក ប្រាក់រូបបានធ្លាក់ចុះជាង ៥ភាគរយធៀបនឹងប្រាក់ដុល្លារក្នុងសប្តាហ៍នេះ។
ដូចដែលបានជម្រាបនៅខាងដើម កត្តាដែលនាំឲ្យមានការធ្លាក់ចុះគឺដោយសារតែឥទ្ធិពលនៃទណ្ឌកម្មរបស់លោកខាងលិច ដាក់មកលើទីក្រុងមូស្គូជុំវិញសង្រ្គាមឈ្លានពានទៅលើអ៊ុយក្រែន៕
ប្រភព៖ ALJAZEERA
ប្រភពរូប៖ ALJAZEERA
ប្រែសម្រួល៖សុខ តុលា
