ដោយ៖ សហការី
ផ្ទុះការងឿងឆ្ងល់មួយថា តើសត្វកន្លាតជាប់នៅក្នុងទ្វារមាសរបស់នារីម្នាក់ដោយរបៀបណាក្រោយគ្រូពេទ្យរកឃើញសត្វនេះនៅក្នុងប្រដាប់ភេទរបស់នាង?
ស្ត្រីម្នាក់ត្រូវបានគ្រូពេទ្យយកសត្វកន្លាតចេញពីទ្វារមាសរបស់គាត់ បន្ទាប់ពីគាត់បានទៅជួបគ្រូពេទ្យដោយត្អូញត្អែរថា ដូចមានអ្វីចម្លែកខ្លាំងនៅក្នុងទ្វារមាសរបស់នាង។ អ្នកជំងឺដែលមិនត្រូវបានគេប្រាប់អត្តសញ្ញាណ បានមកគ្លីនិកក្នុងប្រទេសហុងឌូរ៉ាស ហើយបានត្អូញត្អែរពីផ្លូវអារម្មណ៍ថា រាងចង់ «ងងុយដេកខ្លាំងហើយញ័រខ្លួនប្រាណ និងបែកញើស»។
គ្រូពេទ្យជំនាញស្រឡាំងកាំងពេលពិនិត្យឃើញសត្វល្អិតងាប់នៅខាងក្នុងប្រដាប់ភេទរបស់នាង។ ពេទ្យក៏បានយកវាចេញភ្លាមៗ ហើយស្ត្រីនោះត្រូវបានអនុញាតឲ្យចេញពីមន្ទីពេទ្យ បន្ទាប់ពីពិនិត្យរកស្នាមរបួស។ វេជ្ជបណ្ឌិត Marco Calix ជាគ្រូពេទ្យរោគស្ត្រីដែលបានពិនិត្យអ្នកជំងឺម្នាក់នេះបាននិយាយថា យើងមិនដឹងច្បាស់ទេថា កន្លាតចូលទៅក្នុងទ្វារមាសរបស់ស្ត្រីម្នាក់នេះអស់រយៈពេលប៉ុន្មាននោះទេ។ ប៉ុន្តែឥឡូវនេះគ្មានបញ្ហារទេព្រោះយើងបានជួយដោះស្រាយនាងរួចរាល់ហើយ។
ក្រុមគ្រូពេទ្យដែលព្យាបាលស្រ្តីខាងលើនៅ Tegucigalpa ជារដ្ឋធានីរបស់ប្រទេសហុងឌូរ៉ាស បាននិយាយថា នារីម្នាក់នេះពីមុនបានប្រើស្រោមអនាម័យរួមភេទ និងរួមភេទដោយប្រើប្រាស់ប្រដាប់ប្រដាផ្លូវភេទនៅក្នុងផ្នែកទ្វារមាសរបស់នាង។ ប៉ុន្តែគ្រូពេទ្យមានការព្រួយបារម្ភយ៉ាងខ្លាំង នៅពេលដែលពួកគេបានរកឃើញសត្វល្អិតនេះជាលើកដំបូង។
គ្រូពេទ្យជំនាញបន្ថែមដែរថា មានគេរាយការណ៍មកជារៀងរាល់ឆ្នាំ អំពីករណីសត្វល្អិតដែលជាប់គាំងនៅក្នុងខ្លួនមនុស្ស។ វេជ្ជបណ្ឌិតនៅមន្ទីរពេទ្យ អាឡាបាម៉ា បាននិយាយថា បញ្ហានេះពួកគេបានព្យាបាលចំនួន៥ករណីនៅក្នុងមួយឆ្នាំៗ។ វាជារឿងតិចតួចណាស់សម្រាប់សត្វកន្លាត ដែលជាសត្វល្អិតកម្របំផុតចូលទៅក្នុងទ្វារមាសស្រ្តីណាម្នាក់ នេះបើយោងតាមអ្នកជំនាញដែលបានប្រទះឃើញសត្វកន្លាតនៅខាងក្នុងទ្វារមាសរបស់អ្នកជំងឺ៕
