បាត់ដំបង៖ការចុះបញ្ជីម៉ាកសម្គាល់ភូមិសាស្ត្រទំនិញ ” ដូងខ្ទិះបាត់ដំបង ” ជាការផ្តល់ឱកាសល្អនិងលើកកម្ពស់សេដ្ឋកិច្ចគ្រួសារដល់កសិករឲ្យប្រសើរឡើង។
ក្រោមកិច្ចសម្របសម្រួលពីផ្នែកជំនាញរវាងផលិតករដូងខ្ទិះ ជាមួយនឹងអាជីវករ កាលពីថ្ងៃទី ០៦ ខែមេសា ឆ្នាំ២០២៣ ឯកឧត្តម អ៊ុក ប្រជា រដ្ឋលេខាធិការក្រសួងពាណិជ្ជកម្ម បានបញ្ជាក់ថា៖កន្លងមកដំណាំដូងខ្ទិះនៅតែរក្សាបាននូវការគាំទ្របរិភោគច្រើនពីគ្រប់មជ្ឍដ្ឋានទាំងក្នុងនិងក្រៅតំបន់។ដូងខ្ទិះបាត់ដំបងក្រោយការចុះបញ្ជីម៉ាកសម្គាល់ភូមិសាស្ត្រទំនិញរួចហើយតម្លៃដូងខ្ទិះអាចមានការកើនឡើងព្រោះកសិករមានលទ្ធភាពលក់បានច្រើននៅលើទីផ្សារ និងមានការទទួលស្គាល់ជាសកល។
ដូងខ្ទិះបាត់ដំបងក្រោយមានម៉ាកសម្គាល់ភូមិសាស្ត្រទំនិញជាផ្លូវការ បងប្អូនផលិតករឬអាជីវករទាំងអស់ត្រូវចូលរួមដោយស្មោះត្រង់ជាមួយគ្នាដើម្បីប្រើប្រាស់ម៉ាកសម្គាល់ភូមិសាស្ត្រទំនិញរបស់ខ្លួនឲ្យបានល្អត្រឹមត្រូវ ពិសេសប្រភពពូជដំណាំច្បាស់លាស់ប្រកបដោយគុណភាពខ្ពស់។
លោក ផេង សិទ្ធី អភិបាលរងខេត្តបាត់ដំបង បានលើកឡើងថា៖ ការរៀបចំកសាងកេរឈ្មោះ ” ដូងខ្ឬិះបាត់ដំបង “ជាម៉ាកសម្គាល់ភួមិសាស្ត្រទំនិញនេះលោកជឿជាក់១០០%ថាអាចនឹងផ្តល់នូវភាពជឿជាក់សម្រាប់អ្នកប្រើប្រាស់អ្នកបរិភោគក្នុងការបញ្ជាទិញព្រមទាំងហ៊ានចំណាយថវិកាទិញខ្ពស់មិនរូញរា ដោយសារវាបានបញ្ជាក់ពីគុណភាព ជាផលិតផលតំណាងប្រទេស។ ដំណាំដូងខ្ទិះជាដូងប្រភេទកម្រ មានរសជាតិឈ្ងុយឆ្ងាញ់ក្រអូបជាប់មាត់ ក្រៅពីនេះវាបានផ្តល់នូវអត្ថប្រយោជន៍ជាច្រើនចំពោះសុខភាពថែមទៀត៕ដោយ: ព្រះអង្គខ្មៅ
