ដោយៈសិរីមតី
![](https://cambodiaflashnews.com/wp-content/uploads/2021/06/top-banner.gif)
ភ្នំពេញៈសម្តេចតេជោ នាយករដ្ឋមន្ត្រី ហ៊ុន សែន នៅថ្ងៃទី ៦ ខែមេសា បានទទួលយកតួនាទីជាប្រធានកិត្តិយសរបស់សមាគមឧកញ៉ាកម្ពុជា និងបានណែនាំឱ្យសមាគមនេះ ធ្វើកិច្ចការមនុស្សធម៌ ជួយប្រជាពលរដ្ឋខ្សត់ខ្សោយ។
ក្នុងពេលជំនួបសម្តែងការគួរសមលើកដំបូងនៅថ្ងៃទី ៦ មេសា ក្រោយពីការបង្កើតសមាគមឧកញ៉ាកម្ពុជា នៅ ឆ្នាំ ២០២២ សម្តេចតេជោ បានណែនាំដល់សមាគមឧកញ៉ាកម្ពុជា ឱ្យចូលរួមចំណែកជាមួយរាជរដ្ឋាភិបាល ក្នុងការអភិវឌ្ឍសេដ្ឋកិច្ច និងសង្គមជាពិសេសការកាត់បន្ថយភាពក្រីក្ររបស់ប្រជាពលរដ្ឋ និងពង្រឹងសាមគ្គីភាព។
សម្តេចតេជោនាយករដ្ឋមន្ត្រី បានថ្លែងថា« ការរស់នៅក្នុងសង្គមមួយបាន គឺមិនអាចកាត់ផ្តាច់គ្នានោះឡើយ រវាងអ្នកមាន និងអ្នកខ្សត់ខ្សោយ គឺត្រូវចេះយកអាសាគ្នា ដូចពាក្យចាស់បុរាណទូន្មានថាអ្នកមានរក្សាខ្សត់ ដូចសំពត់ព័ទ្ធពីក្រៅ អ្នកប្រាជ្ញារក្សាខ្លៅ ដូចសំពៅពឹងសំប៉ាន»។
តាមខ្លឹមសារបង្ហោះលើផេចហ្វេសប៊ុករបស់សម្តេចតេជោហ៊ុន សែន បានសរសេរថា៖ «ឧកញ៉ាទាំងអស់ត្រូវពង្រឹងសាមគ្គីភាព រួមគ្នាជួយដល់កិច្ចការសង្គម ធ្វើសកម្មភាពមនុស្សធម៌ និងចេះជួយដល់ការលំបាករបស់ប្រជាពលរដ្ឋ»៕