ភ្នំពេញ៖សមត្ថកិច្ចបានឃាត់ខ្លួនបុរសចិន២នាក់ ករណីព្រួតគ្នាវាយនិងធ្វើទារុណកម្មទៅលើជនជាតិចិនដូចគ្នាបណ្តាលឱ្យរងរបួសធ្ងន់។
មន្ត្រីនគរបាលប៉ុស្តិ៍សង្កាត់សំរោងក្រោមបានឱ្យដឹងថា ករណីខាងលើបានកើតឡើងនៅបុរីឈូកវ៉ា២ ឋិតក្នុងសង្កាត់សំរោងក្រោម ខណ្ឌពោធិ៍សែនជ័យ កាលពីម៉ោង១០យប់ថ្ងៃទី៦ ខែមេសា។ មុនកើតហេតុ ពលរដ្ឋបានឃើញបុរសជនជាតិចិន២នាក់នាំគ្នាធ្វើទារុណកម្មព្រួតវាយទៅលើចិនដូចគ្នាម្នាក់ បណ្ដាលឱ្យរងរបួសធ្ងន់ ។ពួកចិន២នាក់បានយកខ្សែចងដៃចងជើងផ្អោបគ្នា រួចអូសយកទៅដាក់ក្នុងបន្ទប់ទឹក។
ក្រោយពីទទួលដំណឹងភ្លាម កម្លាំងនគរបាលសហការចុះឃាត់ខ្លួនបាន២នាក់រួចនាំយកទៅសាកសួរ។បន្ទាប់ពីសួរនាំ សមត្ថកិច្ចបាននាំខ្លួនជនសង្ស័យទៅកន្លែងកើតហេតុវិញ ដើម្បីបើកសោទ្វារផ្ទះជួយសង្គ្រោះជនរងគ្រោះ ហើយដឹកទៅមន្ទីរពេទ្យភ្លាមៗ។ក្រោយមកជនសង្ស័យទាំង២នាក់ត្រូវនាំទៅនគរបាលខណ្ឌពោធិ៍សែនជ័យដើម្បីបន្តនីតិវិធី៕ដោយ៖វិចិត្រ
