ប្រទេសបេឡារុសនិយាយថា ខ្លួននឹងធ្វើសមយុទ្ធយោធាពីថ្ងៃទី ៥-៧ ខែមេសា នៅកន្លែងហ្វឹកហាត់ Brestsky ភាគនិរតី ក្បែរព្រំដែនជាមួយអ៊ុយក្រែននិងប៉ូឡូញ។
![](https://cambodiaflashnews.com/wp-content/uploads/2021/06/top-banner.gif)
បើតាមក្រសួងការពារជាតិបេឡារុសដែលបាននិយាយនៅក្នុងសេចក្តីថ្លែងការណ៍មួយកាលពីថ្ងៃទី ៥ ខែមេសា បានឲ្យដឹងថា “សមយុទ្ធយុទ្ធសាស្ត្រមួយនេះនឹងត្រូវធ្វើឡើងនៅទីលានហ្វឹកហាត់ Brestsky ជាមួយនឹងអង្គភាពមួយនៃកងវរសេនាធំមីស៊ីលប្រឆាំងយន្តហោះនៃកងទ័ពអាកាស និងកងកម្លាំងការពារអាកាស”។ អង្គភាពនឹងត្រូវសម្រេចចិត្តផ្លាស់ទី និងដើរក្បួនទៅកាន់តំបន់ទីតាំងថ្មី ដាក់ពង្រាយកងពលទៅជាទម្រង់សមរភូមិ និងទទួលយកកាតព្វកិច្ចប្រយុទ្ធជាផ្នែកនៃសមយុទ្ធរយៈពេល២ថ្ងៃចាប់ពីថ្ងៃពុធទី ៥ រហូតដល់ថ្ងៃសុក្រទី ៧ ខែមេសា។
សេចក្តីថ្លែងការណ៍បានបន្តទៀតថា “ភារកិច្ចនឹងត្រូវដោះស្រាយ ឆ្លើយតបនៅក្នុងលក្ខខណ្ឌដែលមានការជ្រៀតជ្រែករលកវិទ្យុ-អេឡិចត្រូនិកណាមួយពីភាគីបង្កហេតុ និងប្រមាញ់ក្រុមអ្នកស៊ើបអង្កេត និងការប្រើប្រាស់ UAVs យន្តហោះគ្មានមនុស្សបើក”៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា