មានសេចក្តីរាយការណ៍ពីអ៊ុយក្រែនថា រុស្ស៊ីបានបញ្ជូនយន្តហោះចម្បាំង Su-35 ឲ្យមកទម្លាក់គ្រាប់លើតំបន់ Chernihivភាគខាងជើងអ៊ុយក្រែនកាលពីថ្ងៃអង្គារសប្តាហ៍នេះ។
![](https://cambodiaflashnews.com/wp-content/uploads/2021/06/top-banner.gif)
យោងតាមបញ្ជាការប្រតិបត្តិការភាគខាងជើង Pivnich របស់អ៊ុយក្រែនបានឲ្យដឹងថា នៅម៉ោងប្រហែល ៥រសៀល ថ្ងៃអង្គារទី ៤ ខែមេសា ឆ្នាំ២០២៣ អ្នកបញ្ជូនសេវាសង្គ្រោះបន្ទាន់របស់រដ្ឋបានរាយការណ៍ថា ផ្ទះឯកជនមួយនិងអគារខាងក្រៅត្រូវបានឆេះនៅក្នុងភូមិ Pecheniuhy។ អគ្គិភ័យនេះកើតឡើងដោយសារការវាយប្រហារតាមអាកាស ដែលធ្វើឡើងដោយយន្តហោះចម្បាំងរុស្ស៊ី Su-35 ចំនួនពីរគ្រឿង។
បញ្ជាការប្រតិបត្តិការ Pivnich បានផ្តល់ព័ត៌មានលម្អិតថា យន្តហោះចម្បាំងរុស្ស៊ីបានទម្លាក់គ្រាប់ចំនួនពីរគ្រាប់។ មិនមានព័ត៌មានអំពីអ្នកស្លាប់និងរងរបួសនោះទេ។ រាល់ព័ត៌មាននេះ មិនមានប្រភពឯករាជ្យណាមួយធ្វើការផ្ទៀងផ្ទាត់ឡើយ៕
ប្រភព៖ Ukrainska Pravda
ប្រភពរូប៖Ukrainska Pravda
ប្រែសម្រួល៖សុខ តុលា