ភ្នំពេញ៖ កម្លាំងនគរបាលខណ្ឌដង្កោ បានស្រាវជ្រាវចាប់បានជនសង្ស័យ២នាក់ ករណីគាស់ ចម្រឹងបង្អួចផ្ទះចូលលួចទ្រព្យសម្បត្តិ ត្រូវនាំខ្លួនទៅតុលាការចាត់ការតាមនីតិវិធី។
![](https://cambodiaflashnews.com/wp-content/uploads/2021/06/top-banner.gif)
មន្ត្រីនគរបាលបានឱ្យដឹងថា ជនសង្ស័យ២នាក់ត្រូវកម្លាំងជំនាញខណ្ឌដង្កោស្រាវជ្រាវចាប់ខ្លួនបាននៅថ្ងៃទី៤ ខែមេសា ពាក់ព័ន្ធលួចគាស់ចម្រឹងបង្អួចផ្ទះចូលលួចទ្រព្យសម្បត្តិ កាលពីព្រលប់ថ្ងៃទី២ ខែមេសា នៅភូមិតាឡី សង្កាត់ដង្កោ ខណ្ឌដង្កោ។
ជនសង្ស័យ២នាក់ឈ្មោះ ព្រឿង ម៉ារ៉ូត អាយុ២៣ឆ្នាំ នៅភូមិតាឡី ខណ្ឌដង្កោ និងឈ្មោះ ពៅ សីហា អាយុ២៤ឆ្នាំ នៅភូមិបុរីកម្មករ សង្កាត់ជើងឯក ខណ្ឌដង្កោ។ចំណែកម្ចាស់ផ្ទះឈ្មោះ រស់ សុវណ្ណរាជ្យ អាយុ២៩ឆ្នាំ ជាមន្ត្រីរាជការ នៅភូមិសង្កាត់ខាងលើ។ ពេលចាប់ខ្លួនសមត្ថកិច្ចបានដកហូត វត្ថុតាងមាន-ធុងបាស់ម៉ាកJBL១-ម៉ាស៊ីនស្កែន១គ្រឿងនិងដំបងឫស្សី១។
បច្ចុប្បន្នជនសង្ស័យទាំង២នាក់ត្រូវបានសមត្ថកិច្ចនគរបាលខណ្ឌដង្កោ បានកសាង សំណុំរឿងបញ្ជូនទៅតុលាការដើម្បីចាត់ការតាមច្បាប់៕ដោយ៖វិចិត្រ