អង្គការក្រៅរដ្ឋាភិបាល (Save the Children) បានចេញរបាយការណ៍ថា កុមារប្រហែល៥០១នាក់ត្រូវបានសម្លាប់ក្នុងសង្រ្គាមរុស្ស៊ីមកលើអ៊ុយក្រែន។
![](https://cambodiaflashnews.com/wp-content/uploads/2021/06/top-banner.gif)
របាយការណ៍របស់អង្គការមិនមែនរដ្ឋាភិបាលនេះ បានរកឃើញរាប់ចាប់តាំងពីថ្ងៃចាប់ផ្តើមសង្រ្គាមខែកុម្ភៈឆ្នាំ ២០២២ ដោយរកឃើញថាកុមារនីមួយៗភាគច្រើនបានស្លាប់ជារៀងរាល់ថ្ងៃជាមួយនឹង “អាវុធជាតិផ្ទុះ”។ របាយការណ៍បាននិយាយថា “នៅក្នុងឆ្នាំដំបូងនៃសង្គ្រាមទ្រង់ទ្រាយធំ កុមារចំនួន ៤០៤នាក់ត្រូវបានសម្លាប់ដោយការបាញ់ផ្លោងកាំជ្រួច និងការវាយប្រហារដោយយន្តហោះគ្មានមនុស្សបើក ហើយ៨៥០ នាក់ទៀតបានរងរបួស”។ “ការស្លាប់និងរបួសភាគច្រើនបានកើតឡើងនៅក្នុងតំបន់ Kharkov និង Donetsk ដែលជាកន្លែងដែលការប្រយុទ្ធសកម្មបានបន្តចាប់តាំងពីខែកុម្ភៈឆ្នាំមុន”។
Sonia Khush នាយកប្រចាំប្រទេសរបស់ Save the Children ក្នុងប្រទេសអ៊ុយក្រែនបាននិយាយថា “កុមារកន្លះពាន់នាក់ត្រូវបានគេសម្លាប់ គឺជាព្រឹត្តិការណ៍សោកនាដកម្មមួយទៀតដែលបានឈានដល់ក្នុងសង្រ្គាមនេះ”។ “ចំនួនពិតអាចនឹងលើសពី ៥០០ ផង កុមារី និងក្មេងប្រុសស្លូតត្រង់នៅតែត្រូវបានរងរបួស និងសម្លាប់ជារៀងរាល់ថ្ងៃនៅក្នុងប្រទេសអ៊ុយក្រែន ជាកន្លែងដែលអំពើហិង្សា រួមទាំងការប្រើប្រាស់អាវុធជាតិផ្ទុះនៅក្នុងតំបន់ទីក្រុងកំពុងតែកើតឡើងនៅលើជើងមេឃ”។ យ៉ាងណាក៏ដោយ រុស្ស៊ីបានបដិសេធជាប់មករហូតថាមិនបានកំណត់គោលដៅជនស៊ីវិលឡើយ៕
ប្រភព៖ ALJAZEERA
ប្រភពរូប៖ ALJAZEERA
ប្រែសម្រួល៖សុខ តុលា