អតីតប្រធានាធិបតីអាម៉េរិកលោកដូណាល់ត្រាំ នៅថ្ងៃអង្គារទី ៤ ខែមេសាសប្តាហ៍នេះ ត្រូវបានគេរំពឹងថា នឹងចូលតតាំងនៅបន្ទប់សវនការទីក្រុងញូយ៉កលើសំណុំរឿងចោទប្រកាន់បទព្រហ្មទណ្ឌសូកលុយបំបិទមាត់នារីតារាអាសអាភាស។
![](https://cambodiaflashnews.com/wp-content/uploads/2021/06/top-banner.gif)
លោក ដូណាល់ ត្រាំ បានចាកចេញពីរដ្ឋផ្លរីដា ហើយកំពុងធ្វើដំណើរទៅកាន់ទីក្រុងញូវយ៉ក ជាកន្លែងដែលលោកគ្រោងនឹងទទួលសវនាការនៅថ្ងៃអង្គារនេះ បន្ទាប់ពីត្រូវបានចោទប្រកាន់ដោយចៅក្រម Manhattan ។ បើតាមមេធាវីលោកត្រាំ ដែលសុទ្ធសឹងតែជាអ្នកមានកេរ្តិ៍ឈ្មោះ និងសមត្ថភាពខ្លាំងៗ ដូចជាលោក Joe Tacopina និងលោកស្រី Susan Necheles សំណុំរឿងតតាំងរបស់លោកត្រាំនឹងធ្វើឡើងដល់ទីបញ្ចប់ មិនចុះចាញ់ឡើយ ហើយលោកត្រាំក៏មិនភ័យខ្លាចអ្វីដែរ។
សូមរំលឹកបន្តិចថា លោកដូណាល់ត្រាំ ត្រូវបានចៅក្រម Manhattan ចោទប្រកាន់ពីបទឧក្រិដ្ឋបំពានច្បាប់សហរដ្ឋអាម៉េរិកយ៉ាងធ្ងន់ធ្ងរក្នុងអំឡុងយុទ្ធនាការបោះឆ្នោតឆ្នាំ២០១៦។ ត្រំាត្រូវបានគេចោទថា បានប្រើលុយប្រមាណ១៣ម៉ឺនដុល្លារយកទៅឲ្យតារាអាសអាភាសស្រីដែលជាសហាយស្មន់ ដើម្បីបំបិទមាត់នូវរាល់អំពើលួចលាក់ប្រព្រឹត្តជាមួយគ្នាកាលឆ្នាំ២០០៦។ ការចោទប្រកាន់នេះ នឹងជាប់ឈ្មោះក្នុងបទឧក្រិដ្ឋកម្មលើកដំបូងប្រឆាំងនឹងអតីតប្រធានាធិបតីក្នុងប្រវត្តិសាស្ត្ររបស់អាម៉េរិក៕
ប្រភព៖ REUTERS
ប្រភពរូប៖REUTERS
ប្រែសម្រួល៖សុខ តុលា