ដោយៈផាវី
ភ្នំពេញ៖មន្ទីរសាធារណការ និងដឹកជញ្ជូន រាជធានីភ្នំពេញ បានឱ្យដឹងកាលពីថ្ងៃទី៣ មេសា ២០២៣ ថា៖ស្ពានខ្សែកាបទី១ក្នុងរាជធានីភ្នំពេញ បាននឹងកំពុងចេញរូបរាងដ៏ស្រស់ស្អាតលើដងទន្លេសាប ។
សកម្មភាពធ្វើតេស្តិ៍សាកល្បងកម្លាំងទម្រស្ពានខ្សែកាបឫស្សីកែវឆ្លងកាត់ទន្លេសាប នេះនឹងដាក់ឱ្យដំណើរការជាបណ្តោះអាសន្ននៅពេលឆាប់ៗនេះ ។
ស្ពាននេះមានប្រវែង ៩២២ ម៉ែត្រ និងទទឹង ២០,៥ ម៉ែត្រនិងមានផ្លូវថ្មើរជើងប្រវែង ១,២៥ ម៉ែត្រនៅសងខាងស្ពានផងដែរ។ ការសាងសង់ស្ពាននេះ ត្រូវបានផ្តល់ហិរញ្ញប្បទានដោយក្រុមហ៊ុន OCIC ជាមួយនឹងថវិកាចំនួន ៣៥ លានដុល្លារ។
ស្ពាននេះនឹងជួយសម្រួលចរាចរណ៍ និងផ្តល់ផ្លូវត្រង់ពីផ្លូវជាតិលេខ៥ និងផ្លូវជាតិលេខ៦ ព្រមទាំងផ្តល់ផ្លូវថ្មីទៅកាន់កីឡដ្ឋានមរតកតេជោថ្មី ដែលស៊ីហ្គេមឆ្នាំ២០២៣ នឹងប្រព្រឹត្តទៅ៕
