ភ្នំពេញ៖បុរសម្នាក់បើករថយន្តឡិចស៊ីស570 ថយក្រោយយ៉ាងលឿនជ្រុលទៅបុកផាស្អេប ផ្ទប់របាំងថ្មចែកផ្លូវពេញទំហឹង ហើយកល់ជាប់លើថ្មនោះបណ្ដាលឱ្យមនុស្ស២នាក់រងរបួស។ គ្រោះថ្នាក់នេះនៅតាមផ្លូវព្រះមុនីវង្ស ក្នុងសង្កាត់បឹងកេងកងទី១ ខណ្ឌបឹងកេងកង កាលពីព្រឹកថ្ងៃទី៣ ខែមេសា។
![](https://cambodiaflashnews.com/wp-content/uploads/2021/06/top-banner.gif)
សាក្សីបានឱ្យដឹងថា មុនកើតហេតុ គេឃើញបុរសម្នាក់បើករថយន្តម៉ាកឡិចស៊ីស LX570 ផ្លាកលេខភ្នំពេញ2AT-8288 ថយចេញពីធនាគារមួយ។
រថយន្តនោះពេលថយក្រោយបានបុកផាស្អេបកំពុងបើកដឹកភ្ញៀវតាមផ្លូវព្រះមុនីវង្សពីត្បូងទៅជើងពីចំហៀងពេញទំហឹង បណ្ដាលឱ្យខ្ទាតបុកផ្ទប់របាំងថ្មចែកផ្លូវបាក់អស់៥កង់ ហើយរថយន្តកល់ជាប់ទាំងផាស្អេបរងការខូចខាតយ៉ាងដំណំ។ក្នុងនោះបណ្តាលឱ្យខាងផាស្អេបរងរបួស២នាក់។
បន្ទាប់ពីកើតហេតុ មន្ត្រីចរាចរណ៍បានមកយករថយន្តបង្កនិងផាស្អេបទៅទុកនៅនគរបាលរាជធានីភ្នំពេញ ដើម្បីរង់ចាំភាគីសងខាងចូលខ្លួនដោះស្រាយ៕ដោយ៖វិចិត្រ