អ៊ុយក្រែននិយាយថា យោធារុស្ស៊ីវាយប្រហារជនស៊ីវិលម្តងទៀតហើយ ដោយបានប្រើនូវយន្តហោះគ្មានមនុស្សបើកផលិតដោយអ៊ីរ៉ង់ kamikaze។
យោងតាមរបាយការណ៍ស្ថានភាពរបស់អគ្គសេនាធិការអ៊ុយក្រែនបាននិយាយកាលពីថ្ងៃដាច់ខែមីនាឆ្នាំ២០២៣ថា “រុស្ស៊ីដោយហេតុតែហាក់បាក់ធ្មុងនៅបាក់មុតសមរភូមិប្រយុទ្ធ រុស្ស៊ីបែរជាមកបន្តប្រព្រឹត្តនូវអំពើភេរវកម្មឆ្កួតលីលាដាក់ប្រជាជនស៊ីវិលនៃប្រទេសអ៊ុយក្រែន”។ ការវាយប្រហារនេះបានធ្វើឡើងដោយប្រើនូវយន្តហោះគ្មានមនុស្សបើកផលិតដោយអ៊ីរ៉ង់ ឈ្មោះ kamikaze នៅទីក្រុង Zaporizhzhia និងកន្លែងផ្សេងទៀត ជាមួយនឹងមីស៊ីលផ្លោង។
របាយការណ៍បានបន្តទៀតថា យ៉ាងណាមិញ យន្តហោះគ្មានមនុស្សបើកទាំងនោះចំនួនប្រាំមួយគ្រឿង ត្រូវបានបាញ់ទម្លាក់ដោយប្រព័ន្ធការពារអាកាសរបស់អ៊ុយក្រែនដោយជោគជ័យ។ ព័ត៌មានលម្អិត ប្រភពអន្តរជាតិមិនអាចផ្ទៀងផ្ទាត់ដោយឯករាជ្យបានទេ។ មេដឹកនាំយោធាអ៊ុយក្រែនបានចោទប្រកាន់កងកម្លាំងរុស្ស៊ីម្តងទៀតថាផ្តោតលើគោលដៅស៊ីវិល ខណៈដែលរុស្ស៊ីបានបដិសេធយ៉ាងដាច់អហង្ការ៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា
