មេទាហានស៊ីឈ្នួលរុស្ស៊ីអះអាងថា កងកម្លាំងអ៊ុយក្រែនបានរងការខាតបង់ធ្ងន់ធ្ងរណាស់នៅសមរភូមិក្រុងបាក់មុតខេត្តដូណេតភាគខាងកើត។
![](https://cambodiaflashnews.com/wp-content/uploads/2021/06/top-banner.gif)
លោក Yevgeny Prigozhin មេក្រុមទាហានស៊ីឈ្នួលរុស្ស៊ីដែលហៅកាត់ថាជា Wagner Group បាននិយាយកាលពីថ្ងៃសុក្រទី ៣១ ខែមីនា តាមរយៈសម្រង់ដោយទីភ្នាក់ងារសារព័ត៌មានរដ្ឋTASSរបស់រុស្ស៊ី។ នៅលើបណ្តាញសារ Telegram លោក Prigozhin បាននិយាយនៅក្នុងការឆ្លើយតបទៅនឹងសំណួរថា “ទេ កងទ័ពអ៊ុយក្រែនមិនរត់ទៅណាទេ។ កងទ័ពអ៊ុយក្រែនកំពុងប្រយុទ្ធនឹងសមរភូមិបង្ហូរឈាម និងការពារ Artemivsk ដែលជា [Bakhmut] ក្នុងតម្លៃនៃការខាតបង់យ៉ាងធ្ងន់ធ្ងរ”។ Prigozhin ថា កងកម្លាំងរុស្ស៊ីចាំបាច់ត្រូវផ្តោតទៅលើទីក្រុង ប៉ុន្តែកងទ័ពត្រូវតែពង្រឹង ព្រោះកងកម្លាំងអ៊ុយក្រែនមិនចុះចាញ់ឡើយពោលគឺកំពុងតស៊ូខ្លាំង បើទោះបីជារង “ការខាតបង់យ៉ាងធ្ងន់ធ្ងរ” ក៏ដោយ។
លោកបានបន្តទៀតថា៖ មានអគារខ្ពស់ៗប្រហែល ៨០០ ខ្នងនៅបាក់មុត។ ហើយវាមានលក្ខណៈភូមិសាស្រ្តស្មុគស្មាញក្រៃលែង ពិបាកក្នុងនោះពិពណ៌នា។ តែយ៉ាងណានៅពេលដែលលោកយកបាក់មុតបានទាំងស្រុង លោកនឹងនិយាយពីរឿងហ្នឹងប្រាប់។
ការអះអាងរបស់មេទាហានស៊ីឈ្នួលនេះ កើតឡើងក្រោយគ្នានឹងអគ្គសេនាធិការនៃកងកម្លាំងប្រដាប់អាវុធអ៊ុយក្រែនរាយការណ៍ថា អ៊ុយក្រែនកំពុងបំបាក់កម្លាំងរុស្ស៊ីឲ្យចុះខ្សោយ មុនពេលដែលនឹងបើកការវាយផ្តាច់ឆាប់ៗនេះ៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា