បាត់ដំបង៖ក្មេងៗជាសិស្សចំនួន៥នាក់បានបាត់ជាច្រើនម៉ោង ក្រោយមកក៏ប្រទះឃើញលង់ទឹកស្លាប់ទាំងអស់គ្នាក្នុងស្រះក្បែរសាលា ។
សមត្ថកិច្ចបានឱ្យដឹងថា ករណីក្មេងលង់ទឹកស្រះយ៉ាងអាណោចអាធ័មនេះ បានបង្កការភ្ញាក់ផ្អើលក្រោយក្មេងៗរងគ្រោះបានបាត់ខ្លួននៅត្រង់សាលាបឋមសិក្សាស្រឡៅទង ក្នុងភូមិស្រឡៅទង ស្រុកកំរៀង ខេត្តបាត់ដំបង កាលពីថ្ងៃទី៣០ ខែមីនា។
ក្មេងៗរងគ្រោះបាត់បង់ជីវិត ឈ្មោះវុធ អីអាយ អាយុ៧ឆ្នាំ-ជាស្រីឌឿន អាយុ១១ឆ្នាំ-លួង លីតាអាយុ៩ឆ្នាំ-ធីម មេងលី អាយុ៩ឆ្នាំនិងឈ្មោះ វ៉ាន់ គឹមហៀង អាយុ៩ឆ្នាំ។ក្មេងៗបានបាត់ខ្លួនជាច្រើនម៉ោង រហូតដល់ល្ងាចថ្ងៃដដែលទើបអ្នកភូមិប្រទះឃើញនៅក្នុងស្រះទឹកខាងក្រោយសាលាដែលពួកគេរៀននៅទីនោះ។
បន្ទាប់មកសមត្ថកិច្ចបានចុះពិនិត្យរួចបានប្រគល់សពឱ្យឪពុកម្តាយយកទៅធ្វើបុណ្យរៀងៗខ្លួន៕ដោយ:ព្រះអង្គខ្មៅ