ភ្នំពេញ៖គ្រោះថ្នាក់ចរាចរដ៏រន្ធត់ដែលបានកើតឡើងរវាងរថយន្តក្រឡុកស៊ីម៉ងត៍បានបុកជាមួយម៉ូតូបណ្តាលឱ្យបុរសម្នាក់ស្លាប់និងម្នាក់ទៀតរងរបួសធ្ងន់។
![](https://cambodiaflashnews.com/wp-content/uploads/2021/06/top-banner.gif)
ប្រភពព័ត៌មានបានឱ្យដឹងថា បុរសម្នាក់មុនពេលស្លាប់ កាលពីពេលល្ងាចបាននាំកូន៣នាក់និងប្រពន្ធទៅទទួលទានអាហារ ហើយថតរូបជាមួយកូនៗ៣នាក់ទុកជាអនុស្សាវរីយ៍។លុះព្រឹកឡើងថ្ងៃកើតហេតុជនរងគ្រោះបានជិះម៉ូតូ២នាក់ត្រូវរថយន្តបុកស្លាប់និងរបួសធ្ងន់តែម្តង។
ប្រភពដដែលបានបន្តថា បុរស២នាក់ជិះម៉ូតូម៉ាក Beat ត្រូវរថយន្តក្រឡុកស៊ីម៉ងត៍បុកបណ្តាលឱ្យស្លាប់និងរងរបួសនេះនៅភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ កាលពីព្រឹកថ្ងៃទី៣១ ខែមីនាឆ្នាំ២០២៣។
ជនរងគ្រោះសមត្ថកិច្ចមិនទាន់ស្គាល់ឈ្មោះនៅឡើយ អាយុប្រមាណ៤០ឆ្នាំ នៅម្តុំខាងក្រោយផ្សារស្ទឹងមានជ័យចាស់។ក្រោយកើតហេតុ សមត្ថកិច្ចជំនាញបានចុះពិនិត្យនិងប្រគល់សពឱ្យក្រុមគ្រួសារយកទៅធ្វើបុណ្យ៕ដោយ៖វិចិត្រ