ប្រធានាធិបតីរុស្ស៊ីលោកវ្ល៉ា ឌឹមៀរពូទីន នៅសប្តាហ៍នេះបានប្រកាសបើកយុទ្ធនាការរើសទ័ពថ្មីបន្ថែមជិត១៥ម៉ឺននាក់ឲ្យចូលបម្រើកាតព្វកិច្ចយោធា ចំពេលដែលសង្រ្គាមនៅអ៊ុយក្រែននៅតែបន្ត។
![](https://cambodiaflashnews.com/wp-content/uploads/2021/06/top-banner.gif)
ទីភ្នាក់ងារសារព័ត៌មានរដ្ឋរុស្ស៊ី RIA បានរាយការណ៍ថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន កាលថ្ងៃព្រហស្បតិ៍ទី ៣០ ខែមីនាសប្តាហ៍នេះ បានចុះហត្ថលេខាលើក្រឹត្យថ្មីស្តីពីការរើសទ័ពបម្រុងនៅនិទាឃរដូវ ដែលជាក់ស្តែងនឹងចាប់ផ្តើមនៅថ្ងៃទី ១ ខែមេសា រហូតដល់ថ្ងៃទី ១៥ ខែកក្កដា។ ការហៅឡើងធ្វើយោធានេះ គឺធ្វើឡើងមិនចាំបាច់គិតល្អិតល្អន់ដូចនឹងច្បាប់រើសទ័ពនោះទេ ពោលគឺជាកាតព្វកិច្ចសម្រាប់ប្រជាជនប្រុសៗទាំងអស់ដែលមានអាយុចាប់ពី១៨ដល់៣០ឆ្នាំ “ស្តីពីកាតព្វកិច្ចយោធានិងសេវាកម្មយោធា”។ យុទ្ធនាការនេះកំពុងហៅពលរដ្ឋចំនួន ១៤៧.០០០ នាក់ឡើងទៅបម្រើយោធាតាមច្បាប់។ ទីភ្នាក់ងារព័ត៌មានបានរៀបរាប់ថា ដោយប្រើក្រឹត្យដូចគ្នានេះ លោកពូទីនក៏បានសម្រេចចិត្តច្រានចោល “លើទាហាន, ទាហាននាវិក ពលទាហាន និងនាយទាហាន ដែលដល់អាណត្តិបម្រើយោធាផុតកំណត់ផងដែរ”។ របាយការណ៍ក៏បានកត់សម្គាល់ផងដែរនូវការបំភ្លឺរបស់លោក Andrei Kartapolov ប្រធានគណៈកម្មាធិការការពាររដ្ឋឌូម៉ា ដែលបាននិយាយកាលពីដើមថ្ងៃនេះថា ទាហានដែលរើសថ្មីនឹងមិនត្រូវបានបញ្ជូនឲ្យទៅបម្រើកាតព្វកិច្ចក្នុងតំបន់ជួរមុខក្តៅជាមួយអ៊ុយក្រែនដូចជាដូណេត លូហាន់ ឃើសនឡើយ។
ការរើសទ័ពថ្មីនេះ កើតឡើងបន្ទាប់ពីរបាយការណ៍មុនៗ រដូវផ្ការីកឆ្នាំមុនរើស ១៣៤.៥០០ នាក់ និង ១២០.០០០ នាក់ នៅរដូវស្លឹកឈើជ្រុះឆ្នាំមុនឆ្នាំ ២០២២៕
ប្រភព៖ Bloomberg
ប្រភពរូប៖Bloomberg
ប្រែសម្រួល៖សុខ តុលា