ព្រៃវែង៖សមត្ថកិច្ចបានចាប់ក្រុមទំនើង៤នាក់ចំណោម៦នាក់ ករណីកាប់បំផ្លាញម៉ូតូមួយគ្រឿងរបស់ជនរងគ្រោះ ហើយបានរៀបចំសំណុំរឿងបញ្ជូនទៅតុលាការចាត់ការតាមច្បាប់។
![](https://cambodiaflashnews.com/wp-content/uploads/2021/06/top-banner.gif)
ហេតុការណ៍ខាងលើបានកើតឡើងនៅហាងកាហ្វេមួយ មុខវិទ្យាល័យរស្មីសាមគ្គី ក្នុងឃុំស្វាយភ្លោះ ស្រុកពាមជរ ខេត្តព្រៃវែង កាលពីល្ងាចថ្ងៃទី២៩ ខែមីនា។កម្លាំងមូលដ្ឋានបានឱ្យដឹងថា ម៉ូតូត្រូវកាប់បំផ្លាញនោះម៉ាកហុងដាឌ្រីមផ្លាកលេខព្រៃវែង1E 0455 ម្ចាស់ឈ្មោះ អ៊ីម ចឺប អាយុ១៦ឆ្នាំ នៅភូមិឃុំខាងលើ។
ចំណែកក្រុមទំនើង៤នាក់ត្រូវឃាត់ខ្លួនកាលពីរសៀលថ្ងៃទី៣០ ខែមីនា ឈ្មោះណនចាន់ដារ៉ា-ឯម រ៉ូ-រឿនប៊ុនលាភ និងឈ្មោះឈុំ ផានិត។ពួកគេមានអាយុពី១៥ដល់២១ឆ្នាំ នៅឃុំព្រែកក្របៅ ស្រុកពាមជរ និងឃុំព្រែកខ្សាយខ ស្រុកពាមរក៍ ខេត្តព្រៃវែង។ក្នុងនោះដកហូតដាវ ចំនួន៣។
ក្រោយពីសាកសួរ សមត្ថកិច្ចបានកសាងសំណុំរឿងបញ្ជូនជនសង្ស័យទាំង៤និងវត្ថុតាងទៅតុលាការដើម្បីចាត់ការតាមច្បាប់។ជំនាញក៏បានស្រាវជ្រាវតាមរកចាប់បក្ខពួកដែលរត់គេចខ្លួនយកមកចាត់ការបន្ត៕ដោយ៖វិចិត្រ