ខេត្តព្រះសីហនុ៖ ព្រឹកថ្ងៃទី៣០ ខែមីនា ពលរដ្ឋជាច្រើនគ្រួសារនៅម្តុំអូរត្រាវ ភូមិចំណោតរាម ឃុំបិតត្រាំង ខេត្តព្រះសីហនុ បានបដិសេធចំពោះការលើកឡើងពីលោក ដេវិតឆាណាយវ៉ា ថាជាតំណាងរបស់ពួកគាត់។
![](https://cambodiaflashnews.com/wp-content/uploads/2021/06/top-banner.gif)
ប្រជាពលរដ្ឋជាច្រើនគ្រួសារបានជួបជុំគ្នា និងបានសហការឯកភាពជួលគ្រឿងចក្រមកឈូសឆាយរបងផ្ទះដោយខ្លួនឯង ចៀសវាងមានភាពយឺតយ៉ាវ និងរាំងស្ទះដល់ការរៀបចំរបស់រដ្ឋបាលខេត្ត ។កន្លងមកប្រជាពលរដ្ឋជាច្រើនគ្រួសារបានសាងសង់របងផ្ទះនៅលើដីកម្មសិទ្ធិរបស់ឯកជន ។ម្យ៉ាងទៀតពលរដ្ឋដែលមានវត្តមាននៅទីតាំងនេះ ធ្វើឡើងដើម្បីជួយសម្រួល និងពន្លឿនដល់ការរៀបចំរបស់រដ្ឋបាលខេត្តដែលត្រៀមរៀបចំនូវទីតាំងដីថ្មីសម្រាប់ប្រជាពលរដ្ឋ មានទំហំទទឹង៥ម៉ែត្រ និងបណ្តោយ២០ម៉ែត្រ ក្រោយពីមានការសម្របសម្រួលដោយរដ្ឋបាលខេត្តព្រះសីហនុនាពេលកន្លងមក។
ពលរដ្ឋបានលើកឡើងថា នាពេលថ្មីៗនេះ មានបុគ្គលមួយរូបឈ្មោះ ដេវីត ឆាណាយវ៉ា បានយកឈ្មោះពួកគាត់ទៅប្រើប្រាស់នៅលើបណ្តាញសង្គមថា ពលរដ្ឋប្រមាណជាង២០០គ្រួសារ បានទៅពឹងពាក់គាត់ឱ្យជួយដោះស្រាយបញ្ហាដីធ្លីនៅទីតាំងនេះ។ តែការពិតជាក់ស្តែងពួកគាត់មិនបានទៅពឹងពាក់ ឬឱ្យជួយអន្តរាគមន៍អ្វីនោះទេ៕