កណ្ដាល៖បុរសម្នាក់បានបើករថយន្តយ៉ាងលឿន សង្ស័យងោកមួយភាំងបានជ្រុលបុករបងផ្ទះគេពេញទំហឹងបណ្ដាលឱ្យស្លាប់ភ្លាម រីឯអ្នករួមដំណើរ៣នាក់រងរបួសធ្ងន់។ហេតុការណ៍នេះបានកើតឡើងនៅលើផ្លូវជាតិលេខ៥ ក្នុងភូមិទួលអំពិល ស្រុកពញាឮ ខេត្តកណ្ដាល កាលពីរំលងអធ្រាត្រឈានចូលថ្ងៃទី៣០ ខែមីនា។
មន្ត្រីមូលដ្ឋានបានឱ្យដឹងថា បុរសបាត់បង់ជីវិតឈ្មោះ គង់ វាសនា អាយុ៤០ឆ្នាំ នៅភូមិអរិយក្សត្រ ស្រុកល្វាឯម ខេត្តកណ្ដាល ។
រថយន្តម៉ាកស៉ាំងយ៉ុង ផ្លាកលេខភ្នំពេញ2J-1003 អ្នករួមដំណើរ៣នាក់រងរបួសធ្ងន់។ ជនរងគ្រោះឈ្មោះ ឃៀន ភក្ដី អាយុ១៥ឆ្នាំ-ឈ្មោះ ខិ ឆៃ អាយុ៣២ឆ្នាំ និងឈ្មោះ ខ្នា អាយុ៣៥ឆ្នាំ។ពួកគេនៅភូមិត្រពាំងស្រង៉ែ ឃុំខ្នារឆ្មា ស្រុកសាមគ្គីមានជ័យ ខេត្តកំពង់ឆ្នាំង។
មុនកើតហេតុ គេឃើញរថយន្តបើកពីត្បូងទៅជើងក្នុងល្បឿនលឿន។មកដល់កន្លែងខាងលើសង្ស័យតៃកុងងោកមួយភាំង រថយន្តបានរេចង្កូតទៅបុករះផ្ទះគេរួចជ្រុលទៅបុករបងថ្មទៅមុខលែងរួច។រីឯរថយន្តខូចខ្ទេចមួយកំណាត់មុខ៕ដោយ៖វិចិត្រ
