កំពង់ស្ពឺ៖បុរសចិនម្នាក់បើករថយន្ដម៉ាកហាយលែនឌ័រ ប្រើល្បឿនលឿន បានជួបឧបសគ្គខាងមុខ ក៏បួងចង្កូតធ្លាក់ផ្លូវបណ្តាលឱ្យក្រឡាប់ អ្នកបើកបររងរបួសបន្តិចបន្តូច។ហេតុការណ៍នេះបានកើតឡើងនៅផ្លូវលេខ៤៤ ភូមិថ្គង សង្កាត់ច្បារមន ក្រុងច្បារមន ខេត្តកំពង់ស្ពឺ កាលពីរសៀលថ្ងៃទី២៨ ខែមីនា។
មន្ត្រីមូលដ្ឋានបានឱ្យដឹងថា អ្នកបើកបរឈ្មោះ YANG ZHONGHUA ជនជាតិចិន ។រថយន្តបង្កដោយខ្លួនឯងនេះម៉ាកហៃឡែនឌ័រ ផ្លាកលេខភ្នំពេញ2AP-2217 បើកលើផ្លូវលេខ៤៤ពីកើតទៅលិច។
មកដល់កន្លែងខាងលើ រថយន្តបានគេចពីម៉ូតូកំពុងបើកឆ្លងផ្លូវ ហើយតៃកុងបានបួងចង្កូតជ្រុលធ្លាក់ផ្លូវបណ្តាលឱ្យត្រឡប់ផ្ងារកង់។គ្រោះថ្នាក់នេះមិនបណ្ដាលឱ្យប៉ះពាល់ដល់ជីវិតមនុស្ស ឬរងរបួសទេ។ចំណែកអ្នកបើកបររងបួសបន្តិចបន្តួចនិងរថយន្តខូចខាតយ៉ាងដំណំ។បន្ទាប់ពីនោះម្ចាស់បានទាក់ទងរថយន្តស្ទូចយកទៅជួសជុលខ្លួនឯង៕ដោយ៖វិចិត្រ
